தென்காசி மாவட்டம், ஆலங்குளம் காவல் நிலையத்தில் மாவட்ட காவல் கண்காணிப்பாளர் ஸ்ரீனிவாசன் ஆய்வினை மேற்கொண்டார்.
இதில் காவல் நிலையத்தின் முக்கிய கோப்புகள் மற்றும் ஆயுதம் வைப்பறை ஆகியவற்றை ஆய்வு மேற்கொண்டார். பின்னர் பொதுமக்களிடம் பணிவுடன் நடந்து கொள்ள வேண்டும் எனவும் பணியின் போது காவல் துறையினர் கடைப்பிடிக்க வேண்டிய வழி முறைகள் குறித்தும் அறிவுரைகள் வழங்கினார். மேலும் காவல் நிலைய சி சி டி என் எஸ் ல் சிறப்பாக பணிபுரிந்து வந்த பெண் தலைமை காவலர் ஶ்ரீஜா ராணியை பாராட்டி மாவட்ட காவல் கண்காணிப்பாளர் வெகுமதி வழங்கினார்.
இயற்கை வளங்களை பாதுகாக்கும் விதமாக ஆலங்குளம் காவல் நிலைய வளாகத்தில் மாவட்ட காவல் கண்காணிப்பாளர் மற்றும் காவல் துறையினர் இணைந்து மரக்கன்றுகளை நட்டுவைத்தனர்.