நாமக்கல் மாவட்டம் பரமத்தி வேலூர் அடுத்த சோழசிராமணியை சேர்ந்த டாக்டர் சரவணராஜா (52), என்பவர் நாமக்கல் போலீஸ் SPஅலுவலகத்தில் புகார் மனு அளித்தார். அந்த மனுவில் கடந்த 2012 ம் ஆண்டு முதல் அமெரிக்காவில் எலும்பு மருத்துவராக பணியாற்றி வந்ததாகவும், தற்போது கடந்த 2 ஆண்டுகளாக சொந்த ஊரில் இருந்து வருகின்றேன். திருச்செங்கோட்டை சேர்ந்த வழக்கறிஞர் நடனசபேசன் என்பவர் பத்து ஆண்டுகளாக மேலாக நெருங்கி பழகியதாகவும், அவரின் மூலம் கடந்த 2022 ம் ஆண்டு நாமக்கல் கருவேலம்பட்டியை சேர்ந்த கார்த்திக், அன்பு தர்மபுரி சுகுனேஸ்வரன், ராசிபுரம் பிரவின் ஆகியோர் அறிமுகமானார்கள்.
இந்த நிலையில் தங்களுக்கு சொந்தமான ஆப்பிரிக்காவில் உள்ள ஐவரி கோஸ்டில் தங்க சுரங்கம் மற்றும் துபாயில் தங்க வர்த்தகம், கம்பெனி உள்ளதாக கூறி அதில் முதலீடு செய்தால் உங்களையும் பங்கு பங்குதாரராக சேர்த்து ஒரு மடங்கு முதலீடு செய்தால் இரட்டிப்பாக லாபம் கிடைக்கும் என தெரிவித்து மேலும் போட்ட முதலீடு 2 ஆண்டுகளில் கிடைத்து விடும் எனக்கூறி தன்னை ஆசை வார்த்தை கூறினர். இதனை நம்பி கடந்த 2024 ம் ஆண்டு ஜனவரி 12ஆம் தேதி வங்கி கணக்கு மூலமாக சுமார் 7.5 கோடி ரூபாய் பணத்தை அனுப்பினேன் மேலும் 24 ம் ஆண்டு ஒரு கிலோ தங்க பிஸ்கட்கள் மற்றும் நகைகளை அவரிடம் கொடுத்தேன்.
ஆனால் இரண்டரை ஆண்டுகள் ஆகியும் தான் கொடுத்த 7.5 கோடி ரூபாய் பணத்தை திருப்பி கொடுக்கவில்லை, தங்கத்தையும் திருப்பி வழங்க வில்லை, கணக்கு வழக்கும் காட்டவில்லை, கடந்த 2025 ம் ஆண்டு பணம், நகையை திரும்ப கேட்ட போது வழக்கறிஞர் நடனசபேசன், கார்த்திக், அன்பு ஆகியோர் தன்னை கொலை மிரட்டல் விடுவதாக மிரட்டினர். இது தொடர்பாக கோவையில் உள்ள நகர காவல் ஆணையரிடம் புகார் அளித்ததால் நடனசபேசன், கார்த்திக், அன்பு ஆகியோர் தொடர்ந்து கொலை மிரட்டல் விடுகின்றனர்
மேலும் பணம் மற்றும் தங்கம் மோசடி, கொலை மிரட்டல் கொடுக்கும் இந்த மோசடி கும்பல் மீது உரிய நடவடிக்கை எடுக்க வேண்டும் நான் இழந்த பணம் நகைகளை நீட்டு தர வேண்டும் என்று நாமக்கல் எஸ்.பி. அலுவலகத்தில் மனு அளித்துள்ளதாக தெரிவித்திருந்தார்.
தங்க வர்த்தகத்தில் பங்குதாரராக சேர்ப்பதாக கூறி 7.5 கோடி ரூபாய், ஒரு கிலோ தங்க பிஸ்கட்கள், நகைகளை வாங்கி மோசடி செய்த நடனசபேசன், கார்த்திக், அன்பு, போன்ற மோசடி கும்பலை மீது நடவடிக்கை எடுக்க வேண்டும் என டாக்டர் சரவணராஜா தெரிவித்தார்