கோவை: கோவை மாநகரில் சுமார் நான்கு மணி நேரம் இடைவிடாமல் பெய்த கனமழையால் பல்வேறு பகுதிகளில் மழைநீர் தேங்கியது. இதனால் போக்குவரத்து கடுமையாகப் பாதிக்கப்பட்டதுடன், பொதுமக்களும் வாகன ஓட்டிகளும் பெரும் சிரமத்திற்கு உள்ளாகினர்.
இந்நிலையில், தமிழ்நாடு முஸ்லிம் முன்னேற்றக் கழகத்தின் கோவை மத்திய மாவட்டச் செயலாளர் A. பர்க்கத் அலி அவர்களின் ஆலோசனையின்படி, மாவட்டத் துணைத் தலைவர் T.M.S. அப்பாஸ் தலைமையில் தமுமுகவினர் உடனடியாகக் களத்தில் இறங்கி நிவாரணப் பணிகளில் ஈடுபட்டனர்.
காவல்துறையினருடன் இணைந்து, மழையால் பாதிக்கப்பட்ட பகுதிகளில் போக்குவரத்தைச் சீரமைக்கும் பணியில் தமுமுகவினர் தீவிரமாக ஈடுபட்டனர். குறிப்பாக, உக்கடம் மற்றும் கோவை அரசு மருத்துவமனை உள்ளிட்ட முக்கியப் பகுதிகளில் நேரடியாகக் களமிறங்கி, போக்குவரத்தை ஒழுங்குபடுத்தி, பொதுமக்களின் சிரமங்களைக் குறைக்கும் நடவடிக்கைகளை மேற்கொண்டனர்.
தமுமுகவினரின் சேவைக்கு மாவட்ட ஆட்சியர், மாநகராட்சி ஆணையர் பாராட்டு!
கனமழையால் ஏற்பட்ட பாதிப்புகளின்போது, பொதுமக்களின் நலனைக் கருத்தில் கொண்டு உடனடியாகக் களப்பணியில் ஈடுபட்ட தமுமுகவினரின் சேவையைப் பாராட்டி, கோவை மாவட்ட ஆட்சியர் பவன்குமார் ஜி. கிரியப்பனாவர், ஐ.ஏ.எஸ்., மற்றும் கோவை மாநகராட்சி ஆணையர் கட்டா ரவி தேஜா, ஐ.ஏ.எஸ்., ஆகியோர் வாழ்த்துத் தெரிவித்தனர்.
இயற்கைப் பேரிடர் சூழலிலும் மக்களோடு மக்களாக நின்று, பொதுமக்களின் பாதுகாப்பையும் போக்குவரத்து சீரமைப்பையும் உறுதிப்படுத்தும் வகையில் தமுமுகவினர் மேற்கொண்ட பணிகள் பொதுமக்களிடையே வரவேற்பைப் பெற்றன. அவசர காலங்களில் சமூகப் பொறுப்புடன் செயல்பட்டு, மக்களின் துயர் துடைப்பதில் தமுமுகவினர் காட்டிய முனைப்பானது, மக்கள் சேவையே மகத்தான பணி என்பதை மீண்டும் எடுத்துக்காட்டியுள்ளது.
களப்பணியில் ஈடுபட்ட நிர்வாகிகள், தொண்டர்கள்
இந்தக் களப்பணியில் தமுமுக மாவட்ட நிர்வாகிகள் அப்துல் ரஜாக், பைசல் ரஹ்மான், ஆஷிக், சுனாமி நாசர், அன்வர் அலி, சதாம் உசேன் உள்ளிட்டோர் பங்கேற்றனர்.
மேலும், தெற்குப் பகுதி நிர்வாகிகள் பாபு, ஏ. அமானுல்லா, மத்தியப் பகுதி நிர்வாகி ஜெயிலா, ஜி.எம். நகர் கிளை நிர்வாகி ஆஷிக், குனிசை மேற்கு கிளை நிர்வாகிகள் முஹம்மது ஹஸன், முஹம்மது நிஷாத், மைதீன் ராஜப்பா, நசீர் இப்னு நாசர், முபாரக் மற்றும் மருத்துவ அணியைச் சேர்ந்த உமர் உள்ளிட்ட நிர்வாகிகள், தொண்டர்கள் களத்தில் இணைந்து பொதுமக்களுக்கு உதவும் பணியில் ஈடுபட்டனர்.
கனமழையால் பாதிக்கப்பட்ட மக்களுக்கு உதவும் வகையில் துரிதமாகச் செயல்பட்ட தமுமுகவினரின் இந்தக் களப்பணி, சமூக அமைப்புகளின் மக்கள் நலச் சேவைக்கு ஓர் எடுத்துக்காட்டாக அமைந்தது.