நீரில் பிரசவிக்கும் வசதி, வலியற்ற பிரசவ சிகிச்சை உள்ளிட்ட நவீன வசதிகளுடன் ‘ராயல் கிரேடில்’ மகப்பேறு மையம் – சட்டமன்ற உறுப்பினர் கனிமொழி சந்தோஷ் திறந்து வைத்தார்.
கோவை: கோவை ராயல் கேர் மருத்துவமனையில், தாய்மார்கள் பாதுகாப்பாகவும், வசதியாகவும் குழந்தை பெற்றெடுக்கும் அனுபவத்தை வழங்கும் நோக்கில், நவீன வசதிகளுடன் கூடிய ‘ராயல் கிரேடில்’ மகப்பேறு மையம் தொடங்கப்பட்டுள்ளது.
இதற்கான தொடக்க விழாவுக்கு, ராயல் கேர் மருத்துவமனையின் தலைவர் மற்றும் நிர்வாக இயக்குநர் டாக்டர் மாதேஸ்வரன் தலைமை வகித்தார். கவுண்டம்பாளையம் சட்டமன்ற உறுப்பினர் கனிமொழி சந்தோஷ் சிறப்பு விருந்தினராகக் கலந்து கொண்டு, புதிய மகப்பேறு மையத்தைத் திறந்து வைத்தார். சூலூர் சட்டமன்ற உறுப்பினர் சுகுமார் கவுரவ விருந்தினராகப் பங்கேற்றார்.
தாய்மார்கள் மற்றும் பச்சிளம் குழந்தைகளின் நலனை மையமாகக் கொண்டு உருவாக்கப்பட்டுள்ள இந்த மகப்பேறு மையத்தில், நவீன மருத்துவ வசதிகளுடன் கூடிய பிரத்யேகப் பிரசவ அறைகள் அமைக்கப்பட்டுள்ளன. மேலும், மருத்துவத் தகுதி மற்றும் பாதுகாப்பு வழிமுறைகளுக்கு உட்பட்டு, பிரசவ வலியின்போது நீரில் இருக்கும் வசதி, நீரில் குழந்தை பெற்றெடுக்கும் வசதி மற்றும் வலியற்ற பிரசவ சிகிச்சை உள்ளிட்ட பல்வேறு நவீன மருத்துவச் சேவைகளும் வழங்கப்படுவதாக மருத்துவர்கள் தெரிவித்தனர்.
தாய்மார்களின் தேவைகளுக்கு ஏற்ப தனிப்பட்ட பராமரிப்பு, பாதுகாப்பான பிரசவச் சூழல் மற்றும் பச்சிளம் குழந்தைகளுக்கான மருத்துவக் கவனிப்பு ஆகியவற்றை வழங்கும் வகையில் இந்த மையம் வடிவமைக்கப்பட்டுள்ளது.
இந்நிகழ்ச்சியில் மகப்பேறு மருத்துவ நிபுணர்கள் டாக்டர்கள் கல்யாணகுமாரி, கலைவாணி, பிரேமலதா, வினோதினி மற்றும் ராயல் கேர் மருத்துவமனையின் மருத்துவ இயக்குநர் டாக்டர் பரந்தாமன் சேதுபதி, முதன்மைச் செயல் அதிகாரி மணி செந்தில்குமார், சந்தைப்படுத்தல் பிரிவின் மூத்த பொது மேலாளர் வெங்கடேசன் உள்ளிட்ட மருத்துவர்கள், செவிலியர்கள் மற்றும் மருத்துவமனைப் பணியாளர்கள் பலர் கலந்து கொண்டனர்.