வலங்கைமான் ஸ்ரீ பெரியநாயகி சமேத ஸ்ரீ கைலாசநாதர் ஆலயத்தில் சனி பிரதோஷம் விழா சிறப்பாக நடைபெற்றது.
திருவாரூர் மாவட்டம் வலங்கைமான் மத்திய பகுதியில் அமைந்துள்ள ஸ்ரீ பெரியநாயகி சமேத ஸ்ரீ கைலாசநாதர் ஆலயத்தில் சனி பிரதோஷ வழிபாடு நடைபெற்றது. அதனை முன்னிட்டு ஆலயத்தில் உள்ள நந்தி பெருமானுக்கு பல்வேறு அபிஷேக ஆராதனைகள் , தீபாராதனை நடைபெற்று பக்தர்களுக்கு அருட்பிர சாதமும், அன்னதானமும் வழங்கப்பட்டது. அபிஷேக ஆராதனைகளை ஆலய அர்ச்சகர் ராஜகுரு, ஜெகன் ஆகியோர் சிறப்பாக செய்திருந்தனர். இதில் ஏராளமான பக்தர்கள், பொதுமக்கள் திரளாக கலந்து கொண்டனர்.