மேச்சேரி:
சேலம் மாவட்டம், மேச்சேரி ஆண்கள் மேல்நிலைப் பள்ளியில் வடகிழக்குப் பருவமழை மற்றும் தீபாவளி பண்டிகையை முன்னிட்டு மாணவர்களுக்கு பாதுகாப்பு விழிப்புணர்வு நிகழ்ச்சி நடைபெற்றது.
இந்நிகழ்ச்சியில் வடகிழக்குப் பருவமழைக் காலத்தில் மேற்கொள்ள வேண்டிய முன்னெச்சரிக்கை நடவடிக்கைகள், மழை மற்றும் வெள்ளத்தின்போது கடைப்பிடிக்க வேண்டிய பாதுகாப்பு வழிமுறைகள் குறித்து மாணவர்களுக்கு விளக்கப்பட்டது.
மேலும், தீபாவளிப் பண்டிகையின்போது பட்டாசுகளைப் பாதுகாப்பாக வெடிப்பது, பட்டாசு வெடிக்கும்போது கடைப்பிடிக்க வேண்டிய முன்னெச்சரிக்கை நடவடிக்கைகள், தீ விபத்துகளைத் தடுக்கும் வழிமுறைகள் மற்றும் அவசர காலங்களில் மேற்கொள்ள வேண்டிய பாதுகாப்பு நடவடிக்கைகள் குறித்து போலி ஒத்திகை மூலம் செயல்விளக்கம் அளிக்கப்பட்டது.
இந்நிகழ்ச்சியில் மேச்சேரி தீயணைப்பு நிலைய அலுவலர் திரு. வெங்கடேசன் அவர்கள் கலந்து கொண்டு மாணவர்களுக்கு பாதுகாப்பு வழிமுறைகள் குறித்து விழிப்புணர்வு ஏற்படுத்தினார். இதில் பள்ளி மாணவர்கள் மற்றும் ஆசிரியர்கள் கலந்து கொண்டு நிகழ்ச்சியின் மூலம் பயனடைந்தனர்.
மாணவர்களிடையே பேரிடர் காலப் பாதுகாப்பு குறித்த விழிப்புணர்வை ஏற்படுத்துவதோடு, தீபாவளிப் பண்டிகையைப் பாதுகாப்பாகக் கொண்டாடும் பழக்கத்தை உருவாக்குவதே இந்நிகழ்ச்சியின் முக்கிய நோக்கமாகும்.