எஸ்.செல்வகுமார். செய்தியாளர்
சீர்காழியில் மீன்வளத்துறை கட்டுப்பாட்டில் இயங்கும் மீன் விற்பனை நிலையத்தில் பத்தாயிரம் மதிப்புள்ள மீன்களை திருடிய இருவர் கைது போலீசார் நடவடிக்கை :-
மயிலாடுதுறை மாவட்டம் சீர்காழி தென்பாதி உப்பனாற்று கரையில் தமிழக அரசு மீன்வளத் துறையின் கட்டுப்பாட்டில் கீழ் உள்ள நவீன மீன் விற்பனை நிலையம் இயங்கி வருகிறது. இந்த விற்பனை நிலையத்திற்கு அருகே உள்ள மீன் தொட்டியில் விற்பனை போக மீதம் இருந்த ரூபாய் 10 ஆயிரம் மதிப்புள்ள இறால் மட்டும் கெண்டை மீன்கள் கடந்த 27 தேதி மர்ம நபர்களால் திருடப்பட்டது தெரியவந்தது.
இதனை தொடர்ந்து கடை உரிமையாளர் சிவகுமார் (வயது 47) என்பவர் சீர்காழி காவல் நிலையத்தில் புகார் செய்தார். இதனைத் தொடர்ந்து புகாரின் அடிப்படையில் சீர்காழி போலீசார் அந்த பகுதியில் உள்ள சிசிடிவி கேமராவை ஆய்வு செய்ததில். சீர்காழிஅருகே சட்டநாதபுரம் வடக்கு தெருவை சேர்ந்த செவத்தையன் மகன் செல்வகுமார் (வயது 31) ஈசானிய தெருவை சேர்ந்த ராமசாமி மகன் விஜயகுமார் (வயது 56) ஆகிய இருவரும் மீன்களை திருடியது தெரிய வந்தது. இதனை தொடர்ந்து சீர்காழி போலீசார் இருவரையும் கைது செய்து நீதிமன்றத்தில் ஆஜர் செய்து சிறையில் அடைத்தனர்.