திருவண்ணாமலை மாவட்டம், வந்தவாசி அடுத்த தெள்ளார் எஸ்கேவி தொழிற்பயிற்சி நிலையத்தில் ‘தொழிற்கல்வியும் வேலைவாய்ப்பும்’ சிறப்பு கருத்தரங்கம் நடைபெற்றது. இந்த நிகழ்விற்கு ஓய்வுபெற்ற வட்டார கல்வி அலுவலர் புலவர் ந. பானு தலைமை தாங்கினார். சமூக ஆர்வலர் பையூர் விஜயகுமார் முன்னிலை வகித்தார். தொழிற்பயிற்சி மைய நிறுவனர் பாஸ்கரன் வரவேற்றார்.
சிறப்பு அழைப்பாளராக, ஸ்ரீ கிருஷ்ணா கல்வி மைய முதல்வர் பா.சீனிவாசன் பங்கேற்று, தொழிற்கல்வி யின் அவசியம் குறித்து விழிப்புணர்வு தகவல்களை வழங்கினார். கலாம் பவுண்டேசன் நிர்வாகி சீ.கேசவராஜ் பங்கேற்று வேலைவாய்ப்பு புரிந்துணர்வு மேலாண்மை பற்றிய விழிப்புணர்வு தகவல்களை மாணவர்களுக்கு வழங்கினார். இந்த நிகழ்வில் 50 க்கும் மேற்பட்ட மாணவர்கள் பங்கேற்றனர். இறுதியில் பயிற்சி மைய ஆசிரியர் கார்த்திக் ராஜா நன்றி கூறினார்.
செய்தியாளர்: பா. சீனிவாசன், வந்தவாசி.