துறையூர் நவ-11
திருச்சி மாவட்டம் துறையூர் அருகே உள்ள செல்லிப்பாளையத்தைச் சேர்ந்தவர் அழகுத்துரை.இவர் அரசு போக்குவரத்து கழகத்தில் செக்கிங் இன்ஸ்பெக்டர் ஆக பணிபுரிந்து வருகிறார்.கடந்த 10ம் தேதி இரவு துறையூரிலிருந்து செல்லிபாளையத்திற்கு இரு சக்கர வாகனத்தில் சென்று கொண்டிருந்த போது கிருஷ்ணாபுரம் அருகே தடுமாறி கீழே விழுந்ததுள்ளார்.
அப்போது அவரது சட்டை பாக்கெட்டில் இருந்து கீழே விழுந்த மொபைல் போனை அவர் தேடிக் கொண்டிருந்த போது எதிரே வந்த அம்மம்பாளையத்தை சேர்ந்த மதுபாலன் அவரது மொபைல் போனை தேடி கண்டுபிடித்து அவரிடம் கொடுதுள்ளார்.அந்த நபர் அங்கிருந்து சென்றவுடன் கீழே ரொக்க பணத்தை கண்டெடுத்துள்ளார்.
அந்த பணம் அவருடையதாக இருக்கலாம் என்று எண்ணி துறையூர் வழக்கறிஞர் சங்கத் தலைவர் முத்துக்குமாரிடம் ஒப்படைத்துள்ளார். அதில் ரூ17,680 இருந்து உள்ளது. இதனைத் தொடர்ந்து அவரின் மொபைல் எண்ணை தொடர்பு கொண்டு தகவல் தெரிவித்தனர். தகவல் இருந்து துறையூர் வழக்கறிஞர் சங்கத்திற்கு ஓடோடி வந்த அழகுதுரை என்பவர், அந்த பணம் தன்னுடைய தான் என்று கூறினார்.
இதைத் தொடர்ந்து அழகு துரையிடம் வக்கீல் சங்க நிர்வாகிகள் முன்பு மதுபாலன் கையாலேயே அழகுதுரையிடம் ரூபாய் 17,680 ரொக்க பணத்தை ஒப்படைத்தார் .கீழே கிடந்த பணத்தை உரியவரிடம் ஒப்படைத்த மதுபாலனின் நேர்மையை பாராட்டி வழக்கறிஞர்கள் அவருக்கு சால்வை அணிவித்து வாழ்த்து தெரிவித்தனர். இந்த நிகழ்வில் வழக்கறிஞர்கள் சங்க தலைவர் முத்துக்குமார், மூத்த வழக்கறிஞர் அத்தியப்பன், அரசு வழக்கறிஞர் தனசேகர், வழக்கறிஞர்கள் கமல், அன்புபிரபாகரன், ராஜேந்திரன் உள்ளிட்டோர் உடன் இருந்தனர்.
வெ.நாகராஜீ
திருச்சி மாவட்ட செய்தியாளர்