.
தமிழ்நாடு அரசு உத்தரவின்படி போதை பொருட்களின் கடத்தல் மற்றும் விற்பனை தடுக்கும் நோக்கில் காவல்துறையின் சார்பில் அனைத்து மாவட்டங்களிலும் மாவட்ட காவல் கண்காணிப்பாளர்கள் தலைமையில் போதை பொருள் தடுப்பு அதிரடிப்படை அமைக்கப்பட்டுள்ளது.
இந்த அதிரடிப்படையினர் அந்தந்த மாவட்டங்களில் தீவிர ரோந்து பணியில் ஈடுபட்டு போதைப் பொருட்கள் கடத்தல் மற்றும் விற்பனைகள் ஈடுபடுவோர் மீது உரிய சட்ட நடவடிக்கைகள் மேற்கொள்ளப்பட்டு வருகிறது அதன்படி தூத்துக்குடி மாவட்ட காவல் கண்காணிப்பாளர் சிவ பிரசாத் உத்தரவின் பெயரில் நகர துணை காவல் கண்காணிப்பாளர் சுனில் மேற்பார்வையில் தென்பாகம் காவல் நிலைய ஆய்வாளர் ஷேக் அப்துல் காதர் உதவி ஆய்வாளர் முத்துராஜ் தலைமையிலான காவல்துறையினர் கடந்த பத்தாம் தேதி இரவு ரோந்து பணியில் ஈடுபட்டிருந்தபோது சந்தேகத்தின் அடிப்படையில் இருசக்கர வாகனத்தில் வந்தவரை பிடித்து விசாரணை மேற்கொண்டதில் அவர்கள் கொடுத்த தகவலின் அடிப்படையில் குடோனில் சோதனை செய்ததில் குலையங்கரிசல் பகுதியைச் சேர்ந்த தங்கப்பன் மகன் மாரி ராமன் கல்யாண சுந்தரம் மகன் ராமசுப்பு புதுக்கோட்டை சேர்ந்த பன்னீர்செல்வம் மகன் ராஜ்குமார் ஆகிய மூவரும் சட்ட விரோதமாக புகையிலை பொருட்கள் பதுக்கி வைத்திருந்து தெரியவந்தது உடனடியாக தெற்கு காவல் நிலைய போலீசார் மூன்று பேரையும் கைது செய்து அவர்களிடமிருந்து 472 கிலோ புகையிலை பொருட்கள் 14 லட்சம் ரூபாய் ரொக்கம் மற்றும் ஒரு இருசக்கர வாகனத்தை பறிமுதல் செய்தனர்
இது தொடர்பாக தெற்கு காவல் நிலைய போலீசார் வழக்கு பதிவு செய்து விசாரணை நடைபெற்று வருகிறது. இது பற்றி மாவட்ட காவல் கண்காணிப்பாளர் சிவ பிரசாத்செய்தியாளர்களிடம் கூறுகையில் தூத்துக்குடி மாவட்டத்தில் தமிழக அரசால் தடை செய்யப்பட்ட புகையிலை பொருட்கள் விற்பனையை தொடர்ந்து கண்காணித்து வருகிறோம் அதன் அடிப்படையில் கிடைத்த ரகசிய தகவலின் அடிப்படையில் மூன்று பேர் பிடித்து விசாரணை மேற்கொண்டதில் தமிழக அரசால் தடை செய்யப்பட்ட புகையிலை பதுக்கி வைத்திருந்த குடோனில் இருந்து 462 கிலோ புகையிலை பறிமுதல் செய்யப்பட்டது விற்பனை செய்யப்பட்டதில் வைத்திருந்த ரொக்க பணம் 14 லட்சம் ரூபாயும் பறிமுதல் செய்யப்பட்டது இதில் ஏற்கனவே உள்ள ஒருவர் 2023 ஆம் ஆண்டு தடை செய்யப்பட்ட புகைகளை பொருட்களை விற்பனை செய்தவர் தற்போது தொடர்ந்து இவரை கண்காணித்து வந்ததால் பறிமுதல் செய்யப்பட்டுள்ளது மேலும் குண்டர் சட்டத்தின் கீழ் நடவடிக்கை மேற்கொள்ளப்பட உள்ளது கடந்த ஆண்டு தடை செய்யப்பட்ட புகையிலை 3000 கிலோ பறிமுதல் செய்யப்பட்டது இந்த ஆண்டு ஏழாயிரம் கிலோ பறிமுதல் செய்யப்பட்டுள்ளது
தொடர்ந்து புகையிலை விற்பனை செய்யப்பட்டு வந்தால் கண்காணிக்கப்பட்டு கடும் நடவடிக்கை எடுக்கப்படும் என மாவட்ட காவல் கண்காணிப்பாளர் சிவ பிரசாத் செய்தியாளரிடம் கூறினார் உடன் நகர துணை காவல் கண்காணிப்பாளர் சுனில் தெற்கு காவல் நிலைய ஆய்வாளர் ஷேக் அப்துல் காதர் உதவி ஆய்வாளர் முத்துராஜ் ஆகியோர் உடன் இருந்தனர் தடை செய்யப்பட்ட புகையிலேயே பறிமுதல் செய்த காவல்துறையினரை மாவட்ட காவல் கண்காணிப்பாளர் சிவ பிரசாத் பாராட்டினார்