வழக்கறிஞர் பரந்தாமன் குடும்பத்தினருடன் கொண்டாட்டம்
மதுராந்தகம்: செங்கல்பட்டு மாவட்டம், அச்சிறுப்பாக்கம் ஒன்றியம், ஆணைக்குன்னம் ஊராட்சியைச் சேர்ந்த வழக்கறிஞர் பரந்தாமன், தனது மகன் யாழினியனின் இரண்டாவது பிறந்தநாளை முன்னிட்டு, மதுராந்தகம் அருகே உள்ள தனியார் பிரேம் இல்லத்தில் மாற்றுத்திறனாளிகளுக்கு காலை சிற்றுண்டி மற்றும் இனிப்புகள் வழங்கி பிறந்தநாளைக் கொண்டாடினார்.
விடுதலைச் சிறுத்தைகள் கட்சியின் சென்னை விருகம்பாக்கம் சட்டமன்றத் தொகுதி மாவட்ட துணைச் செயலாளராகப் பொறுப்பு வகித்து வரும் வழக்கறிஞர் பரந்தாமன், கடந்த சில ஆண்டுகளாக பல்வேறு பகுதிகளில் ஏழை, எளிய மக்களுக்கு நலத்திட்ட உதவிகளை வழங்கி வருகிறார்.
அதன் தொடர்ச்சியாக, தனது மகன் யாழினியனின் இரண்டாவது பிறந்தநாளை முன்னிட்டு, மதுராந்தகம் அருகே அமைந்துள்ள தனியார் பிரேம் இல்லத்தில் பெற்றோர் மற்றும் ஆதரவின்றி வசித்து வரும் மாற்றுத்திறனாளிகள் சுமார் 50 பேருடன் இணைந்து கேக் வெட்டி மகிழ்ச்சியுடன் கொண்டாடினார். தொடர்ந்து, அங்கிருந்தவர்களுக்கு காலை சிற்றுண்டி மற்றும் இனிப்புகளை வழங்கினார்.
இந்நிகழ்ச்சியில் விடுதலைச் சிறுத்தைகள் கட்சி நிர்வாகிகள், பிரேம் இல்லத்தின் தொண்டு நிறுவன ஊழியர்கள் உள்ளிட்ட பலர் கலந்து கொண்டனர்.