கல்பாக்கம், நவ.
சென்னை ஆவடி வான்புகழ் வள்ளுவர் முத்தமிழ்ச் சங்கத்தின் இரண்டாம் ஆண்டு தொடக்க விழா சிறப்பாக நடைபெற்றது.
இவ்விழாவில், தமிழ்நாடு அரசின் தமிழ் வளர்ச்சித் துறையின் முன்னாள் இயக்குநரும், கோ. வெற்றிவேந்தன் என்றழைக்கப்படும் விசயராகவனின் அருந்தமிழ்த் தொண்டினைப் பாராட்டி, அவருக்குச் சங்கத்தின் சார்பில் ‘தமிழ் வேந்தர்’ என்ற உயரிய விருது வழங்கிச் சிறப்பிக்கப்பட்டது.
விழாவில் சங்கத்தின் தலைவர் பொறியாளர் பால. இரகுபதி தலைமையில், சங்க நிர்வாகிகள், தமிழறிஞர்கள், பத்திரிகையாளர்கள் மற்றும் தமிழ் ஆர்வலர்கள் பலர் கலந்து கொண்டு சிறப்பித்தனர்.
தமிழ்மொழியின் வளர்ச்சிக்கும், தமிழ்த் தொண்டிற்கும் தொடர்ந்து பங்களித்து வரும் விசயராகவனுக்கு விருது வழங்கப்பட்ட நிகழ்வு விழாவில் பங்கேற்ற அனைவரின் பாராட்டையும் பெற்றது.