கோவை பி.எஸ்.ஜி. மருத்துவ அறிவியல் மற்றும் ஆராய்ச்சி நிறுவனத்தின் 34-வது பட்டமளிப்பு விழா, பி.எஸ்.ஜி. அரங்கில் நடைபெற்றது.விழாவுக்கு பி.எஸ்.ஜி. நிறுவனங்களின் நிர்வாக அறங்காவலர் எல். கோபாலகிருஷ்ணன் தலைமை வகித்தார்.கல்லூரி முதல்வர் டாக்டர் டி.எம். சுப்பாராவ் விழாவிற்கு வந்திருந்த அனைவரைய்யும் வரவேற்று பட்டப்படிப்பை முடித்து செல்லும் இளம் மருத்துவர்களை வாழ்த்தினார்…
மதுரை அரவிந்த் கண் மருத்துவமனை அமைப்பின் இயக்குநரும், கண் மருத்துவப் பேராசிரியருமான டாக்டர் ஆர். உஷா கிம் சிறப்பு விருந்தினராகக் கலந்து கொண்டு மாணவர்களுக்குப் பட்டங்களை வழங்கினார்.
தொடர்ந்து, மருத்துவப் பணியில் ஈடுபடவுள்ள புதிய பட்டதாரிகள் ஹிப்போகிராட்டஸ் உறுதிமொழி ஏற்றனர்.இதனை தோல் மருத்துவப் பேராசிரியர் டாக்டர் சண்முகசேகர் வழிநடத்தினார். குழந்தைகள் மருத்துவப் பேராசிரியர் டாக்டர் ஜோதிலட்சுமி பட்டதாரிகளுக்கு அறிவுரைகளை வழங்கினார்.
சிறப்பாகப் பயின்று வெளியேறும் மாணவர்களுக்குப் பரிசுகள் வழங்கப்பட்டன.
விழாவில் கல்லூரி துறை தலைவர்கள்,பேராசிரியர்கள், மாணவர்கள்,பெற்றோர்கள், என பலர் கலந்து கொண்டனர் விழா இறுதியில்,தடயவியல் மருத்துவத் துறைப் பேராசிரியரும், தரக்கட்டுப்பாட்டுத் துணை முதல்வருமான டாக்டர் ஜே. ஜெகதீஸ்வரராஜ் நன்றியுரை நல்கினார்…