அரசு மருத்துவர்கள், செவிலியர்கள் காத்திருப்பு போராட்டம்

புதுச்சேரி

S. செய்யது தாஜுல் உசேன்
மாவட்ட செய்தியாளர்
காரைக்கால்

காரைக்கால் அரசு பொது மருத்துவமனையில் கடந்த 8ம் தேதி நள்ளிரவு பணியில் இருந்த டாக்டர் சக்தி மைந்தன் என்பவரை 3 பேர் சேர்ந்து தாக்கினர்.

இச்சம்பவத்திற்கு கண்டனம் தெரிவிக்கும் வகையிலும், அரசு ஆஸ்பத்திரியில் பணியில் இருக்கும் டாக்டர்களின் பாதுகாப்பை உறுதி செய்ய வலியுறுத்தியும் புதுச்சேரி அரசு ஆஸ்பத்திரி அதிகாரிகள் சங்கம் சார்பில் காரைக்கால் அரசு பொது மருத்துவமனை வாயிலில் காலை 8 மணி முதல் 9 மணி வரை டாக்டர்கள், செவிலியர்கள் உள்ளிட்ட பல்வேறு மருத்துவ அதிகாரிகள் பணிப் புறக்கணிப்பு செய்து காத்திருப்பு போராட்டத்தில் ஈடுபட்டனர்.

போராட்டம் காரணமாக வெளிப்புற நோயாளிகள் சுமார் 2 மணி நேரமாக நீண்ட வரிசையில் காத்திருக்க நேரிட்டது.