கடையநல்லூர், அக். 26:
தென்காசி மேற்கு மாவட்ட தமிழக வெற்றிக் கழகத்தின் புதிய தலைமை அலுவலகம், மதுரை – தென்காசி தேசிய நெடுஞ்சாலையில் சிட்கோ அருகே அமைக்கப்பட்டுள்ளது. இந்த அலுவலகத்தை அமைச்சர்கள் ராஜீவ், ஜெகதீஸ்வரி, மதன் ராஜா ஆகியோர் திறந்து வைத்தனர்.
இந்நிகழ்ச்சிக்கு மாவட்டச் செயலாளர் நியாஸ் தலைமை தாங்கினார். சிறப்பு அழைப்பாளர்களாக மாநிலத் துணைப் பொதுச் செயலாளர் ராஜகோபால், தென்காசி வடக்கு மாவட்டச் செயலாளர் மாரியப்பன், தென்காசி மத்திய மாவட்டச் செயலாளர் ராஜபிரகாஷ், தென்காசி தெற்கு மாவட்டச் செயலாளர் விபின் சக்கரவர்த்தி ஆகியோர் கலந்து கொண்டனர்.
நிகழ்ச்சியில் மாவட்ட இணைச் செயலாளர்கள் முத்தையா, சிவசங்கர், மாவட்ட மருத்துவ அணியின் அமைப்பாளர் வாசுதேவி, ஒன்றியச் செயலாளர்கள் சுந்தர், சக்திமருதுடையார், சிவராமகிருஷ்ணன், நகரச் செயலாளர்கள் பாலமுருகன், இஸ்மாயில், அப்துல்லா, மாவட்ட செயற்குழு உறுப்பினர்கள் தவமணி, முத்துக்குமரன், மாவட்ட வர்த்தக அணியின் அமைப்பாளர் ஆறுமுகம் மற்றும் ராஜா, சையது மீரான், பாலா, வீரா, வழக்கறிஞர் ராஜாமறவன், யாத்ரா பழனி, வழக்கறிஞர் பாரிசா பானு, முகிலா, சரண்யாதேவி, அமுதா, தேவி, ஆய்க்குடி மாரிமுத்து, கட்டக்குட்டி ராஜா, மைதீன், ரசாக், அப்துல் அஜீஸ், கார்னர் இசக்கித்துரை, செய்யது இஸ்மாயில், மாதவன், செங்கோட்டை நகரச் செயலாளர் பிரம்மா கிருஷ்ணன், எபன், சிவக்குமார், திருமலைக்குமார், அஜெய், சுடலை, பொழில்குமார் உள்ளிட்ட பலர் கலந்து கொண்டனர்.
வடகிழக்குப் பருவமழை முன்னெச்சரிக்கை நடவடிக்கைகள் தீவிரம்: அமைச்சர்
நிகழ்ச்சியில் பேசிய அமைச்சர் ராஜீவ், வடகிழக்குப் பருவமழையை முன்னிட்டு சென்னையில் ஏழு மண்டலங்களாகப் பிரித்து, ஒவ்வொரு மண்டலத்திற்கும் தனித்தனி அமைச்சர்கள் நியமிக்கப்பட்டு, மழைநீர் தேங்காமல் தடுப்பதற்கான பணிகள் தீவிரப்படுத்தப்பட்டுள்ளதாகத் தெரிவித்தார்.
மேலும், எந்தெந்த மாவட்டங்களுக்கு சிவப்பு எச்சரிக்கை விடுக்கப்படுகிறதோ, அந்தந்த மாவட்டங்களின் பொறுப்பு அமைச்சர்கள் அங்கேயே தங்கி நிவாரணம் மற்றும் முன்னெச்சரிக்கைப் பணிகளை மேற்கொள்ள முதலமைச்சர் ஜோசப் விஜய் அறிவுறுத்தியுள்ளதாகக் கூறினார். சட்டமன்ற உறுப்பினர்களும் தங்களது தொகுதிகளில் முகாமிட்டு முன்னேற்பாட்டுப் பணிகளை மேற்கொள்ள அறிவுறுத்தப்பட்டுள்ளதாகத் தெரிவித்தார்.
தென்காசி மாவட்டத்தில் நியமிக்கப்பட்டுள்ள மாவட்டக் கண்காணிப்பு அலுவலர் ஜான் லூயிஸ் மற்றும் மாவட்ட ஆட்சியர் ரஞ்சித் சிங் ஆகியோர் தாழ்வான பகுதிகளில் ஆய்வு செய்து, முன்னெச்சரிக்கை நடவடிக்கைகளை மேற்கொண்டு வருவதாகக் கூறினார். மாவட்டத்தில் உள்ள கால்வாய்களைத் தூர்வாரும் பணிகள் நடைபெற்று வருவதாகவும், நீர்நிலைகளுக்கு அருகில் வசிக்கும் மக்களைக் கண்டறிந்து, தேவைப்பட்டால் அவர்களைப் பாதுகாப்பான இடங்களில் உள்ள தனியார் மண்டபங்களில் தங்க வைக்க ஏற்பாடுகள் செய்யப்பட்டு வருவதாகவும் தெரிவித்தார். அங்கு தங்க வைக்கப்படும் மக்களுக்குத் தேவையான உணவு மற்றும் மருத்துவ வசதிகளை வழங்கவும் அறிவுறுத்தப்பட்டுள்ளதாகக் கூறினார்.
குற்றச்சம்பவங்கள் குறைந்துள்ளதாக அமைச்சர் ஜெகதீஸ்வரி பேட்டி
தொடர்ந்து செய்தியாளர்களிடம் பேசிய அமைச்சர் ஜெகதீஸ்வரி, தற்போதைய ஆட்சியின் செயல்பாடுகள் குறித்து பொதுமக்களே தங்களது கருத்துகளைத் தெரிவித்து வருவதாகக் கூறினார். கடந்த ஆட்சியுடன் ஒப்பிடும்போது தற்போதைய ஆட்சியில் சிறப்பான நிர்வாகம் நடைபெறுவதாக மக்கள் கூறி வருவதாகவும், இது மகிழ்ச்சியளிப்பதாகவும் தெரிவித்தார்.
மேலும், குற்றச்சம்பவங்கள் குறித்துப் பேசுகையில், தற்போது நடைபெறும் பல குற்றங்கள் முன்பகை காரணமாக நிகழ்வதாகக் குறிப்பிட்ட அவர், கடந்த காலத்தை ஒப்பிடும்போது குற்றச்சம்பவங்கள் குறைந்துள்ளதாகத் தெரிவித்தார்.
புதிய அலுவலகத் திறப்பு விழாவில் கட்சியின் பல்வேறு நிர்வாகிகள், அணிகளின் பொறுப்பாளர்கள் மற்றும் தொண்டர்கள் திரளாகக் கலந்து கொண்டனர்.