மதுரை மீனாட்சி மிஷன் மருத்துவமனையில் நடைபெற்ற நகைச்சுவை மன்றக் கூட்டத்தில், இந்தியாவின் முதல் பிரதமர் பண்டித ஜவஹர்லால் நேரு அவர்களின் பிறந்தநாளை முன்னிட்டு குழந்தைகள் தின விழா சிறப்பாகக் கொண்டாடப்பட்டது.
ஒருங்கிணைப்பாளர் இஸ்மத் ஏற்பாட்டில் நடைபெற்ற இவ்விழாவில், முகம்மது ராஷீத் வரவேற்புரை ஆற்றினார். ஜாக் ஷிக்கா நிகழ்ச்சியைத் தொகுத்து வழங்கினார். கற்பக லட்சுமி தலைமை தாங்கினார். பிரேம் மித்ரா முன்னிலை வகித்தார். அஸ்ஃபியா சிறப்புரையாற்றினார்.
விழாவில் திரைப்பட இயக்குநரும், நடிகரும், தென்னிந்திய நடிகர் சங்க உறுப்பினரும், சமூக சேவகருமான சேவா ரத்னா டாக்டர் ஜெ. விக்டர் கலந்து கொண்டு அனைவருக்கும் வாழ்த்துகளைத் தெரிவித்தார்.
சிறுவர் முதல் பெரியவர்கள் வரை பலரும் ஆர்வத்துடன் கலந்து கொண்டு விழாவைச் சிறப்பித்தனர். நிகழ்ச்சியின் நிறைவாக பரணிதரன் நன்றியுரை வழங்கினார்.
குழந்தைகளின் மகிழ்ச்சியையும், திறமைகளையும் போற்றும் வகையில் நடைபெற்ற இவ்விழா அனைவரின் பாராட்டுகளையும் பெற்றது.