கரூர்: கரூர் கிரீன்ஹூட் கிட்ஸ் பள்ளி மற்றும் டேகேரில் (Greenhood Kids School and Daycare) குழந்தைகள் தின விழா மிகச் சிறப்பாகவும், உற்சாகமாகவும் கொண்டாடப்பட்டது.
பள்ளியின் தாளாளர் JFM சாந்தி ஜெயராமன் முன்னிலையில் நடைபெற்ற இவ்விழாவில், குழந்தைகளுக்காக கேக் வெட்டி குழந்தைகள் தினம் கொண்டாடப்பட்டது.
தொடர்ந்து, பள்ளி ஆசிரியர்களின் ஆடல், பாடல் நிகழ்ச்சிகள் மற்றும் பல்வேறு விளையாட்டுப் போட்டிகள் நடைபெற்றன. ஆசிரியர்களின் கலை நிகழ்ச்சிகளைக் கண்டு குழந்தைகள் உற்சாகமடைந்ததுடன், விளையாட்டுப் போட்டிகளில் ஆர்வத்துடன் பங்கேற்று மகிழ்ந்தனர்.
குழந்தைகளின் முகத்தில் புன்னகையையும், மனதில் மகிழ்ச்சியையும் ஏற்படுத்தும் வகையில், நாள் முழுவதும் அன்பும் உற்சாகமும் நிறைந்த சூழலில் விழா இனிதே நடைபெற்றது.
இந்நிகழ்ச்சியில் பள்ளி ஆசிரியர்கள், பெற்றோர்கள் உள்ளிட்ட பலர் கலந்து கொண்டு விழாவைச் சிறப்பித்தனர்.