டி.எல்.ஆர். கலைக் கல்லூரியில் எதிர்காலத் திறன்கள் குறித்த ஒருநாள் கருத்தரங்கம்!

ராணிப்பேட்டை, அக். 24:

ராணிப்பேட்டை மாவட்டம், ஆற்காடு அடுத்த விளாப்பாக்கத்தில் அமைந்துள்ள டி.எல்.ஆர். கலை மற்றும் அறிவியல் கல்லூரியில், ஆங்கிலத் துறை சார்பில் “கிராமப்புற வேர்களிலிருந்து எதிர்கால வெற்றித் திறன்கள் வரை – மாறிவரும் உலகிற்கான திறன்கள்” என்ற தலைப்பில் ஒருநாள் கருத்தரங்கம் நடைபெற்றது.

இக்கருத்தரங்கிற்கு கல்லூரித் தலைவர் டி.எல். ரவி தலைமை தாங்கினார். கல்லூரிச் செயலாளர் பி. கோமதி வாழ்த்துரை வழங்கினார். கல்லூரி முதல்வர் தெ. கௌதமன், புல முதன்மையர் பா. நிர்மலா ஆகியோர் முன்னிலை வகித்தனர். ஆங்கிலத் துறைத் தலைவர் கீ. மலைவாசன் நோக்கவுரையாற்றினார். ஆங்கிலத் துறை உதவிப் பேராசிரியை பாரதி நன்றியுரையாற்றினார்.

இதில் கல்வியாளரும், ஊக்கமளிக்கும் பேச்சாளருமான டாக்டர் எஸ். ராஜா சிறப்பு விருந்தினராகக் கலந்து கொண்டு மாணவர்களிடையே உரையாற்றினார்.

அப்போது, மாறிவரும் உலகில் மாணவர்கள் எதிர்கொள்ள வேண்டிய சவால்கள், எதிர்கால வேலைவாய்ப்புகளுக்குத் தேவையான திறன்கள், தனிமனித முன்னேற்றம், தன்னம்பிக்கையின் அவசியம் மற்றும் வாழ்க்கையில் வெற்றி பெறுவதற்கான வழிமுறைகள் குறித்து விளக்கினார்.

இக்கருத்தரங்கில் பல்வேறு துறைகளைச் சேர்ந்த பேராசிரியர்கள் மற்றும் மாணவர்கள் கலந்து கொண்டு பயனடைந்தனர்.