மதுரையில், ஜூனியர் உலகக் கோப்பை ஹாக்கி கால் இறுதி போட்டியில் ஜெர்மனிஅணி கால்பதித்தது

மதுரையில், ஜூனியர் உலகக் கோப்பை ஹாக்கி கால் இறுதி போட்டியில் ஜெர்மனிஅணி கால்பதித்தது.

14-வது ஆண்களுக்கான ஜூனியர் உலகக் கோப்பை ஹாக்கி தொடர் மதுரையில் நடைபெற்று வருகிறது. இந்தத் தொடரின் 4-வது நாளான நேற்று மதுரையில் ‘ஏ’ பிரிவில் நடைபெற்ற லீக் ஆட்டத்தில் நடப்பு சாம்பியனான ஜெர்மனி, அயர்லாந்துடன் மோதியது. இதில் ஜெர்மனி 3-1 என்ற கோல் கணக்கில் வெற்றி பெற்றது
அந்த அணி சார்பில் ஜோனாஸ் ஜெர்சம் 2 கோல்கள் (4 மற்றும் 50-வது நிமிடங்கள்) அடித்து அசத்தினார். இந்த இரு கோல் களையும் அவர், பீல்டு கோலாக அடித்திருந்தார். கேப்டன் பால் கிளாண்டர் (34-வது நிமிடம், பெனால்டி கார்னர்). லூக்காஸ் கோஸல் (52-வது நிமிடம், பெனால்டி ஸ்டிரோக்) கிறிஸ்டியன் பிரான்ஸ் (5-வது நிமிடம், பெனால்டி கார்னர்) ஆகியோர் தலா ஒரு கோல் அடித்தனர்.

ஜெர்மனி அணிக்கு இது ஹாட்ரிக் வெற்றியாக அமைந்தது. அந்த அணி தனது முதல் ஆட்டத்தில் தென் ஆப்பிரிக்காவை 4-0 என்ற கோல் கணக்கிலும், 2-வது ஆட்டத்தில் கனடாவை 7-0 என்ற கோல் கணக்கிலும் வீழ்த்தி யிருந்தது. லீக் சுற்றின் முடிவில் ஜெர்மனி அணி தனது பிரிவில் 3 வெற்றி புள்ளிகளுடன் 9 புள்ளிகளை குவித்து முதலிடம் பிடித்து கால் இறுதி சுற்றுக்கு முன்னேறியது.

‘ஏ’ பிரிவில் நடைபெற்ற மற்றொரு ஆட்டத்தில் தென் ஆப்பிரிக்கா கனடா அணிகள் மோதின. இதில் தென் ஆப்பிரிக்கா 9-1 என்ற கோல் கணக்கில் வெற்றி பெற்றது. அந்த அணி சார்பில் ஜெய்டன் ப்ரூக்கர் 4 கோல்கள் (18. 14. 36 மற்றும் 50-வது நிமிடங்கள்) அடித்து அசத்தினார். பிரெட் ஹார்ன் (22-வது நிமிடம்). சியான்மார்ட் (25-வது நிமிடம்). கேப்டன் டேனியல் நியூஹாஃப் (58-வது நிமிடம்), ராஸ் மோஸ்ட்கோமெரி (60-வது நிமிடம்) ஆகியோர் தலா ஒரு கோல் அடித்தனர்.

தென் ஆப்பிரிக்க அணிக்கு இது 2-வது வெற்றியாக அமைந் தது. 3 ஆட்டங்களில் விளையாடி உள்ள தென் ஆப்பிரிக்க அணி 2 வெற்றி, ஒரு தோல்வியுடன் 6 புள்ளிகள் பெற்று தனது பிரிவில் 2-வது இடத்தை பிடித்தது.

ஜூனியர் உலகக் கோப்பை ஹாக்கி தொடரில் ‘பி’ பிரிவில் இடம் பெற்றுள்ள இந்திய அணி தனது முதல் ஆட்டத்தில் சிலி அணிக்கு எதிராக 7-0 என்ற கோல் கணக்கில் வெற்றி பெற்றிருந்தது. தொடர்ந்து நடை பெற்ற 3-வது லீக் ஆட்டத்தில் இந்திய அணி 17-0 என்ற கோல் கணக்கில் ஓமன் அணியை பந்தாடியது. இந்த இரு வெற்றி களின் மூலம் இந்திய அணி 6 புள்ளிகளுடன் தனது பிரிவில் முதலிடத்தில் உள்ளது.

இந்நிலையில் இந்திய அணி தனது கடைசி லீக் ஆட்டத்தில் இன்று (2-ம் தேதி) சுவிட்சர்லாந்துடன் மோதுகிறது. இந்த ஆட்டம் இரவு 8 மணிக்கு மதுரை யில் நடைபெறு கிறது. சுவிட்சர்லாந்து அணியும் 2 ஆட்டங்களில் வெற்றி பெற்று 6 புள்ளிகளை பெற்றுள்ளது. எனிலும் கோல் கள் வித்தியாசத்தின் அடிப்படையில் இந்திய அணி தற்போதைக்கு முதலிடத்தில் உள்ளது.இன்றைய ஆட்டம் இரு அணி களுக்குமே முக்கியத்துவம் வாய்ந்தது.