தாராபுரம் செய்தியாளர் பிரபு
செல்:9715328420
குண்டடம்,
திருப்பூர் மாவட்டம், கொடுவாய் பகுதியில் ஆர்.எஸ்.எஸ். அமைப்பின் சார்பில் ஊர்வலம் சிறப்பாக நடைபெற்றது. இதில் 110-க்கும் மேற்பட்ட ஆர்.எஸ்.எஸ். நிர்வாகிகள் கலந்து கொண்டனர்.
கொடுவாய் லட்சுமி நகர் பகுதியில் இருந்து ஊர்வலம் தொடங்கியது. இதற்கு நாராயணசாமி தலைமை வகித்தார். மூத்த ஆர்.எஸ்.எஸ். பொறுப்பாளர் முருகேசன் முன்னிலை வகித்தார். ஆர்.எஸ்.எஸ். மாநில பௌதிக் பிரமுக் ராஜ முருகானந்தம் சிறப்புரையாற்றினார்.
தொடர்ந்து, லட்சுமி நகர் பகுதியில் இருந்து புறப்பட்ட ஊர்வலம் முக்கியப் பகுதிகள் வழியாகச் சென்று, இறுதியாக மாகாளியம்மன் கோவில் திடலில் நிறைவடைந்தது. இந்த ஊர்வலத்தை ஆயிரத்துக்கும் மேற்பட்ட பொதுமக்கள் பார்வையிட்டனர்.