குழந்தைகளின் தனித் திறன்களை பெற்றோர்கள் ஊக்குவிக்க வேண்டும்- குழந்தைகள் தினவிழாவில் மாவட்ட மருத்துவ இணை இயக்குநர் பேச்சு..!

திருவண்ணாமலை மாவட்டம், வந்தவாசி ஸ்ரீ கிருஷ்ணா கல்வி மையம் சார்பில் நடைபெற்ற குழந்தைகள் தின விழாவில் பல்திறன் சாதனை பெற்ற மாணவர்களுக்கு பாராட்டு விழா மைய வளாகத்தில் நடைபெற்றது. இந்த நிகழ்விற்கு கல்வி மைய முதல்வர் பா.சீனிவாசன் தலைமை தாங்கினார். ஓய்வு பெற்ற அஞ்சலக அலுவலர் வி.தன்யகுமார், ஜவகர் சிறுவர் மன்ற திட்ட அலுவலர் பெ.பார்த்திபன் ஆகியோர் முன்னிலை வகித்தனர். பட்டதாரி ஆசிரியர் ம.பழனி வரவேற்றார் .

சிறப்பு அழைப்பாளராக, மேனாள் மாவட்ட மருத்துவ இணை இயக்குனர் டாக்டர் எஸ்.குமார் பங்கேற்று, பல்திறன் சாதனை பெற்ற மாணவர்களை பாராட்டி விருதுகள், சான்றிதழ் மற்றும் பரிசுப் பொருட்களை வழங்கி சிறப்புரை ஆற்றினார்.

இந்த நிகழ்வில் மாநில அளவில் நடைபெற்ற திருக்குறள் ஒப்பித்தல் போட்டிகளில் 1330 குறளை வாசித்து, அரசின் விருது பெற்ற வந்தவாசி அரசினர் மகளிர் மேல்நிலைப் பள்ளி 6 ஆம் வகுப்பு மாணவி சி.ர.கார்குழலி, சர்வதேச அளவில் நடைபெற்ற சிலம்பம் போட்டியில் பதக்கங்களை வென்ற அத்திப்பாக்கம் அரசு உயர்நிலைப் பள்ளி 7 ஆம் வகுப்பு மாணவன் சேதுராமன், டேலண்ட் ரெக்கார்ட்ஸ் அமைப்பின் மூலம் நடைபெற்ற திருக்குறள் போட்டியில் நிமிடம் 7 நிமிடங்களில் 120 திருக்குறளை ஒப்பித்து சாதனை புரிந்த கிழங்குணம் ஊராட்சி ஒன்றிய தொடக்கப்பள்ளி 4 ஆம் வகுப்பு மாணவன் புருஷோத்தமன் மற்றும் பல்வேறு பட்டிமன்றங்கள் கலை இலக்கிய நிகழ்வில் பங்கேற்ற பாரத் வித்யாலயா மழலையர் பள்ளி 4 ஆம் வகுப்பு மாணவன் இமய சாம்ராட் ஆகியோருக்கு பாராட்டு விழா நடைபெற்றது.

மேலும் இந்த நிகழ்வில் கவிஞர் பூங்குயில் சிவக்குமார், சமூக ஆர்வலர் வி. விஜயகுமார், ஆக்ஸ்போர்டு ஸ்போக்கன் இங்கிலீஷ் மைய நிர்வாகி கு.சதானந்தன், உடற்கல்வி‌ இயக்குநர் சிவராமன், கிழங்குனம் ஊராட்சி ஒன்றிய தொடக்கப்பள்ளி தலைமை ஆசிரியர் சரவணன், ரெட் கிராஸ் சங்க உறுப்பினர் அ.ஷாகுல் அமீது உள்ளிட்டோர் வாழ்த்துரை வழங்கினர். முன்னதாக பட்டதாரி ஆசிரியர் ஆர்.எஸ்.சிவக்குமார் தமிழிசை பாடல்களை பாடினார். இறுதியில் கல்வி மைய ஆசிரியர் மகாவீர் நன்றி கூறினார்.

செய்தியாளர்: பா. சீனிவாசன், வந்தவாசி.