திருச்சி: அகில பாரதிய சந்நியாசிகள் சங்கம் மற்றும் அன்னை காவிரி நதிநீர் பாதுகாப்பு அறக்கட்டளை இணைந்து நடத்தும் 16-ஆம் ஆண்டு காவிரி விழிப்புணர்வு துலா தீர்த்த ரத யாத்திரை, ஆண்டுதோறும் தலைக்காவிரி முதல் பூம்புகார் வரை நடைபெற்று வருகிறது.
அதன்படி, இந்த ஆண்டிற்கான காவிரி விழிப்புணர்வு துலா தீர்த்த ரத யாத்திரை, அகில பாரதிய சந்நியாசிகள் சங்கத்தின் நிறுவனரும், வாழும் கலியுக சித்தருமான தவத்திரு சுவாமி இராமானந்தா மகராஜ் அவர்கள் தலைமையில் நடைபெற்றது. திருச்சிக்கு வருகை தந்த காவிரி ரத யாத்திரைக்கு, அனைத்திந்திய இந்து திருக்கோயில்கள் பாதுகாப்பு சங்கத்தின் தேசியத் தலைவரும், அன்னை காவிரி நதிநீர் பாதுகாப்பு அறக்கட்டளையின் இணைச் செயலாளருமான சேவரத்னா அருள்வேலன் ஜி தலைமையில் சிறப்பான வரவேற்பு அளிக்கப்பட்டது.
இதனைத் தொடர்ந்து, ஸ்ரீரங்கம் சிருங்கேரி சங்கர மடத்திலிருந்து காவிரி ரதம், ஆதீனங்கள், ஜீயர்கள், துறவியர்கள், சுவாமிகள் மற்றும் பொதுமக்கள் பங்கேற்ற ஊர்வலம் அம்மா மண்டபம் காவிரிப் படித்துறையைச் சென்றடைந்தது.
இவ்விழாவில் மன்னார்குடி ஸ்ரீஸ்ரீஸ்ரீ செண்டலங்கார செண்பக மன்னார் சம்பத்குமார இராமானுஜ சுவாமிகள், கோவை காமாட்சிபுரம் ஆதீனம் ஸ்ரீ பஞ்சலிங்கேஸ்வர சுவாமிகள், அகில பாரதிய சந்நியாசிகள் சங்க நிறுவனர் தவத்திரு சுவாமி இராமானந்தா மகராஜ், சொர்க்கபுர ஆதீனம் சீர்வளர்சீர் தண்டபாணி தேசிக பண்டார சந்நிதி, ஈரோடு மையிலம்பாடி ஸ்ரீமத் பரமஹம்ஸேத்யாதி ஸ்ரீரங்க பராங்குச பரகால நம்பி ராமானுஜ ஜீயர் சுவாமிகள், ஸ்ரீவில்லிபுத்தூர் வாசியோக சித்தர் ராம் நாராயணன் குரு, மதுரை ஸ்ரீ வித்யாம்மா சரஸ்வதி மாதாஜி ஆகியோர் தலைமை ஏற்று ஆசியுரை வழங்கினர்.
மேலும், சிறப்பு அழைப்பாளர்களாக திருச்சியைச் சேர்ந்த தொழிலதிபர்களும், வேதா டைரி பிரைவேட் லிமிடெட் நிர்வாக இயக்குநருமான திரு. ரமேஷ், கே.வி.எம். ஹோட்டல்ஸ் திரு. சித்தார்த்தன், ஸ்ரீ காஞ்சி சங்கர மடத்தின் ஆடிட்டர் திரு. வெங்கடேஸ்வரன், சிருங்கேரி சங்கர மடத்தின் தர்மாதிகாரி ஸ்ரீராம், ஹோட்டல் குருக்ரூபா உரிமையாளர் துவாரகநாத், திலகா ஸ்டோர்ஸ் அருள்மணி, சான்றோர் சிவத்திரு மு. கதிரேசன், காவேரி அம்மன் கோயில் நிர்வாகி திரு. ஆனந்த் ஜி, அகில பாரதிய சந்நியாசிகள் சங்கப் பொருளாளர் சுவாமி சிவராமானந்தா, சங்கத்தின் திருச்சி மாவட்டப் பொறுப்பாளர் சுவாமி இரத்தினானந்தா சரஸ்வதி உள்ளிட்டோர் கலந்து கொண்டு சிறப்புரையாற்றினர்.
சேலம் ஸ்ரீதேவி மற்றும் தூத்துக்குடி ஜெயலட்சுமி ஆகியோர் காவிரி நதியின் முக்கியத்துவம், அதன் வாழ்வாதாரப் பங்களிப்பு மற்றும் நதியைப் பாதுகாக்க வேண்டியதன் அவசியம் குறித்து விழிப்புணர்வுச் சொற்பொழிவு நிகழ்த்தினர்.
இதனைத் தொடர்ந்து, ரதத்தில் எழுந்தருளிய காவிரி தாய்க்கு பொதுமக்கள் தங்களது கைகளால் பல்வேறு திரவியங்களைக் கொண்டு சிறப்பு அபிஷேகம் செய்தனர். பின்னர் மகா தீபாராதனை நடைபெற்றது. இதில் ஏராளமான பக்தர்கள் கலந்து கொண்டு காவிரி தாயைத் தரிசனம் செய்தனர். இதற்கான அபிஷேக ஏற்பாடுகளை காவேரி அம்மன் கோயில் நிர்வாகி திரு. ஆனந்த் அவர்கள் செய்திருந்தார்.
அதனைத் தொடர்ந்து, அம்மா மண்டபம் காவிரிப் படித்துறையில் ஆதீனங்கள், ஜீயர்கள், பல்வேறு சம்பிரதாயங்களைச் சேர்ந்த துறவியர்கள் மற்றும் சிறப்பு அழைப்பாளர்கள் இணைந்து புனித காவிரி நதிக்கு மகா ஆரத்தி எடுத்தனர். இதில் பங்கேற்ற பொதுமக்களும் தங்களது கைகளால் காவிரி நதிக்கு ஆரத்தி எடுத்து வழிபட்டனர். விழாவின் நிறைவாகப் பங்கேற்ற அனைவருக்கும் சிறப்பான முறையில் அன்னதானம் வழங்கப்பட்டது.
விழா ஏற்பாடுகள்:
இவ்விழாவிற்கான ஏற்பாடுகளை அனைத்திந்திய இந்து திருக்கோயில்கள் பாதுகாப்பு சங்கத்தின் திருச்சி மண்டல மாநில மற்றும் மாவட்டப் பொறுப்பாளர்களான காவிரி ராமகிருஷ்ணன், சிவத்திரு ஜெகதீசன், துறையூர் மணி ஜி, சதீஸ்குமார் ஜி, சுந்தரேசன், வாழைக்காய் வியாபாரி சேட், கருணாநிதி, தியானேஸ்வரன், வெங்கடேஷ், வீரமணி, அர்ச்சகர் விஷ்ணு, மதியழகன், சிவ. சீமாரங்கவல்லி, விமலாராணி, ஜெயலட்சுமி, சரவணன், பூசாரி ரவி, கண்ணன் உள்ளிட்டோர் சிறப்பாகச் செய்திருந்தனர்.
மேலும், சங்கத்தின் பொறுப்பாளர்களான கோவை செந்தில்குமார், சேலம் ரமேஷ், திருப்பூர் செந்தில், திருநெல்வேலி நளினி, கோவை யமுனா, பழனிமுத்து, சத்யா, மல்லிகா, ஆனந்தி, திவ்யா, சீதாலட்சுமி, சரஸ்வதி, ஜோதிலட்சுமி உள்ளிட்டோரும் கலந்து கொண்டு விழாவைச் சிறப்பித்தனர்.
காவிரி நதியின் புனிதத்தையும், அதன் நீர்வளத்தின் முக்கியத்துவத்தையும் பொதுமக்களிடையே எடுத்துரைத்து, நதியைப் பாதுகாக்கும் விழிப்புணர்வை ஏற்படுத்தும் வகையில் இந்த 16-ஆம் ஆண்டு காவிரி விழிப்புணர்வு துலா தீர்த்த ரத யாத்திரை பக்தி உணர்வுடனும் சிறப்புடனும் நடைபெற்றது.