புதுச்சேரி மாநிலம் காரைக்கால், அக். 22:
இந்திய அத்லெடிக்ஸ் பெடரேஷன் சார்பில், 41வது தேசிய ஜூனியர் அத்லெடிக்ஸ் சாம்பியன்ஷிப் 2026 போட்டிகள் சென்னையில் நாளை (அக். 23) தொடங்கி 26ஆம் தேதி வரை நடைபெற உள்ளன.
இப்போட்டியில் பங்கேற்க காரைக்கால் மாவட்டத்தில் உள்ள பல்வேறு பள்ளிகளைச் சேர்ந்த 7 மாணவர்கள், 6 மாணவிகள் என மொத்தம் 13 பேர் தேர்வு செய்யப்பட்டுள்ளனர். இவர்கள் அனைவரும் தேசிய அளவிலான இப்போட்டியில் பங்கேற்று தங்களது திறமைகளை வெளிப்படுத்த உள்ளனர்.
தேசிய அளவில் நடைபெறும் இப்போட்டியில் காரைக்கால் மாவட்டத்தைச் சேர்ந்த மாணவ, மாணவிகள் பங்கேற்பது குறிப்பிடத்தக்கது.