பிஎஸ்ஜி தொழில்நுட்ப கல்லூரி வளாகத்தில் உள்ள நூற்றாண்டு கலை அரங்கத்தில் பிஎஸ்ஜி சர்வதன மேல்நிலைப்பள்ளியின் நிறுவன நாள் விழா 2026 சிறப்பாகக் கொண்டாடப்பட்டது. கல்வி மற்றும் சமூக மேம்பாட்டிற்காக இப்பள்ளி ஆற்றிவரும் 102 ஆண்டுகால பங்களிப்பைச் சிறப்பிக்கும் விதமாக இந்நிகழ்வு அமைந்தது. பிரபல இலக்கியப் பேச்சாளரும் சொற்பொழிவாளருமான புலவர் மா. இராமலிங்கம் இந்நிகழ்வில் சிறப்பு விருந்தினராகக் கலந்துகொண்டார்.
பிஎஸ்ஜி & சன்ஸ் அறக்கட்டளையின் நிறுவனர் அறங்காவலர் மற்றும் தலைவர் திரு. ஜி. ஆர். கார்த்திகேயன் அவர்களின் முன்னிலையில் நடைபெற்ற இவ்விழாவிற்கு, பிஎஸ்ஜி & சன்ஸ் அறக்கட்டளையின் அறங்காவலர் திரு. எல். கோபாலகிருஷ்ணன் தலைமை தாங்கினார்.
பிஎஸ்ஜி சர்வதன மேல்நிலைப்பள்ளியின் செயலாளர் திரு. பி. நாராயணசுவாமி வருகை புரிந்த விருந்தினர்கள், பல்வேறு பிஎஸ்ஜி கல்வி நிறுவனங்களின் தலைவர்கள் மற்றும் விருது பெறும் முன்னாள் மாணவர்களை வரவேற்றுப் பேசினார். 1924-ல் இப்பள்ளி தொடங்கப்பட்டதும், இணைக்கல்வி மற்றும் பெண் கல்விக்காக பள்ளி ஆற்றி வரும் நீண்டகால அர்ப்பணிப்பையும் அவர் நினைவுகூர்ந்தார். விழாவில் சிறப்புரையாற்றிய புலவர் மா. இராமலிங்கம், பிஎஸ்ஜி நிறுவனர்களின் சமூக சேவையைப் போற்றியதுடன், கல்வித் துறைக்கு இந்நிறுவனம் ஆற்றி வரும் பங்களிப்பைப் பாராட்டினார்.
கல்வி என்பது இரக்கம், கலாச்சார விழிப்புணர்வு மற்றும் மனித விழுமியங்களை வளர்க்க வேண்டும் என்பதை அவர் வலியுறுத்தினார். பெற்றோர் ஒருவரையோ அல்லது இருவரையோ இழந்த சுமார் 200 குழந்தைகளுக்கு ஆதரவளித்து வரும் ‘பிஎஸ்ஜி மாணவர் இல்லத்தின்’ சேவையைப் பாராட்டிய அவர், வறுமையை ஒழிப்பதற்கான மிகச் சிறந்த கருவி கல்வி என எடுத்துரைத்தார். சாதனை படைத்த முன்னாள் மாணவர்களிடமிருந்து தற்போதைய மாணவர்கள் ஊக்கம் பெற வேண்டும் எனக்கூறிய அவர், அடுத்த நூற்றாண்டை நோக்கிய பள்ளியின் லட்சியப் பயணம் தொடர வேண்டும் எனவும் கேட்டுக்கொண்டார்.
திரு. எல். கோபாலகிருஷ்ணன் தமது தலைமைரையில், சாதி, மதம் மற்றும் சமூக-பொருளாதார பின்னணியைப் பொருட்படுத்தாமல் அனைவருக்கும் கல்வி வழங்குவதில் பிஎஸ்ஜி சர்வதன மேல்நிலைப்பள்ளியின் அர்ப்பணிப்பை எடுத்துரைத்தார்.
இப்பள்ளியில் 90 ஆசிரியர்களுடன் சுமார் 2,500 மாணவர்கள் கல்வி பயின்று வருவதாகவும், மேலும் பிஎஸ்ஜி அமைப்பு 10 அரசு பள்ளிகளுக்கு ஆதரவு அளித்து வருவதாகவும் அவர் குறிப்பிட்டார். பள்ளியுடனான முன்னாள் மாணவர்களின் தொடர்ச்சியான பிணைപ്പைப் பாராட்டிய அவர், விருது பெற்றவர்களுக்கும் மாணவர்களுக்கும் தனது வாழ்த்துகளைத் தெரிவித்தார். மேலும், வரும் டிசம்பர் 9 முதல் 13, 2026 வரை கோயம்புத்தூர் கொடிசியா வர்த்தக வளாகத்தில் நடைபெறவுள்ள “ப்ராடக்ட்ஸ் ஆப் பிஎஸ்ஜி ப்ராடக்ட்ஸ்” முன்னாள் மாணவர்களின் பெருந் தொழில் கண்காட்சி குறித்தும் அவர் எடுத்துரைத்தார்.
இந்நிகழ்வின் முக்கிய அம்சமாக, பல்வேறு துறைகளில் சாதனை படைத்த ஐந்து சீர்ந்த முன்னாள் மாணவர்களான மாநகராட்சி ஆரம்பப்பள்ளி (பீளமேடு) தலைமையாசிரியர் திருமதி கே. சுகுலதனா (1985–87), அரசு மேல்நிலைப்பள்ளி (காளப்பட்டி) தலைமையாசிரியர் திரு. என். தமிழ்செல்வன் (1983–85), ப்ருமுவௌண்ட் காஸ்டிங்ஸ் பிரைவேட் லிமிடெட் (மத்தம்பாளையம்) நிர்வாக இயக்குனர் முனைவர் சி. பி. செந்தில்குமார் (1986–88), காக்னிசன்ட் டெக்னாலஜி சொல்யூஷன்ஸ் டெலிவரி இயக்குனர் திரு. கே. ரமேஷ் (1986–88), மற்றும் திருப்பூர் அரசு மருத்துவக் கல்லூரி மற்றும் மருத்துவமனை அவசர மருத்துவப் பிரிவு டாக்டர் ஏ. விநாயக பிரபு, எம்.பி.பி.எஸ்., எம்.டி., (2003–05) ஆகியோருக்குப் பள்ளி நிர்வாகம் சார்பில் சிறப்பு கௌரவம் அளிக்கப்பட்டது.
பிஎஸ்ஜி சர்வதன மேல்நிலைப்பள்ளியின் 2026-ஆம் ஆண்டு நிறுவன நாள் விழாவானது, இப்பள்ளியின் பாரம்பரியத்தையும் கல்வி மற்றும் சமூகத்திற்கு அது வழங்கி வரும் தொடர்ச்சியான பங்களிப்பையும் பறைசாற்றும் வகையில் அமைந்தது.