தேனி மாவட்டம், ஆண்டிபட்டி அருகே உள்ள வைகை அணையில் இருந்து இருபோக பாசனத்தின் முதல் போகத்திற்கான தண்ணீரை அமைச்சர் சி.டி.ஆர். நிர்மல் குமார், மாவட்ட ஆட்சியர் வ. சிவகிருஷ்ணமூர்த்தி முன்னிலையில் சனிக்கிழமை திறந்து வைத்தார்.
இதன் மூலம் திண்டுக்கல் மாவட்டம் நிலக்கோட்டை தாலுகாவில் 1,797 ஏக்கர், மதுரை மாவட்டம் வாடிப்பட்டி தாலுகாவில் 16,452 ஏக்கர், மதுரை வடக்கு தாலுகாவில் 26,292 ஏக்கர் என மொத்தம் 45,041 ஏக்கர் நிலங்கள் பாசன வசதி பெறும்.
விவசாயிகள் குறுகிய காலப் பயிர்களை சாகுபடி செய்து, தண்ணீரை சிக்கனமாகப் பயன்படுத்தி நீர் மேலாண்மையைக் கடைப்பிடித்து அதிக மகசூல் பெற வேண்டும் என அமைச்சர் கேட்டுக்கொண்டார்.
இந்நிகழ்ச்சியில் சட்டமன்ற உறுப்பினர்கள், மாவட்ட வருவாய் அலுவலர், சார் ஆட்சியர், அரசு அதிகாரிகள் மற்றும் விவசாயிகள் உள்ளிட்ட பலர் கலந்து கொண்டனர்.