இந்தியாவின் முன்னணி பொழுதுபோக்கு, படைப்பாற்றல், ஊடகம் மற்றும் தொழில்துறை தலைவர்கள் CineNow-ன் முதலீட்டுக் குழு, இந்திய கவுன்சில் மற்றும் தலைமைத்துவக் குழுவில் இணைந்தனர்
இந்தி, மராத்தி, குஜராத்தி, பஞ்சாபி, தெலுங்கு, தமிழ் மற்றும் மலையாளம் உள்ளிட்ட மொழிகளில் திரைப்படங்களை உருவாக்க இந்திய திரையுலகினருடன் CineNow இணைந்து செயல்படுகிறது
இந்தியாவின் முன்னணி பொழுதுபோக்கு, படைப்பாற்றல், ஊடகம் மற்றும் தொழில்துறை தலைவர்களை ஒன்றிணைத்து, பொழுதுபோக்கு துறையில் திரைப்பட முதலீட்டுக்கான புதிய நிறுவனமயமான அணுகுமுறையை CineNow உருவாக்கியுள்ளது. US$150 மில்லியன் மதிப்பிலான திரைப்பட முதலீட்டு திட்டத்தின் கீழ், இந்திய திரையுலகினருடன் படைப்பாற்றல் சார்ந்த ஒத்துழைப்புகளை CineNow தொடங்கியுள்ளது. இதற்கான முதலீட்டு நடவடிக்கைகள் இந்த ஆண்டுக்குள் தொடங்கும் என எதிர்பார்க்கப்படுகிறது.
CineNow நிறுவனத்தின் முதலீட்டுக் குழு, இந்திய கவுன்சில் மற்றும் தலைமைத்துவக் குழுவில் இந்திய திரையுலகம், பொழுதுபோக்கு, ஊடகம், நிதி மற்றும் தகவல் தொடர்புத் துறைகளைச் சேர்ந்த முக்கிய தலைவர்கள் இடம்பெற்றுள்ளனர்.
இதில் Applause Entertainment, Balaji, NDTV Imagine மற்றும் Star India நிறுவனங்களின் முன்னாள் தலைமை நிர்வாக அதிகாரியான சமீர் நாயர்; திரைப்படத் திட்டமிடல் நிபுணரும் சுயாதீன தயாரிப்பாளருமான நேஹா கவுல், Netflix நிறுவனத்தின் முன்னாள் மூத்த நிர்வாகியும் Disney Studios India மற்றும் UTV Motion Pictures நிறுவனங்களின் தலைமைத்துவக் குழுவில் இடம்பெற்றவருமான இவர்; பிரபல திரைக்கதை எழுத்தாளர், பாடலாசிரியர் மற்றும் படைப்புத் தயாரிப்பாளரான ஜெய்தீப் சஹ்னி; Lyca, Netflix, Balaji மற்றும் Yash Raj Films நிறுவனங்களின் முன்னாள் மூத்த நிர்வாகியும் தற்போது Red Chillies Entertainment நிறுவனத்தின் தயாரிப்பாளருமான ஆஷிஷ் சிங் ஆகியோர் இடம்பெற்றுள்ளனர்.
மேலும், IMPPA மற்றும் FFI அமைப்புகளின் தலைவரும் FIAPF அமைப்பின் துணைத் தலைவருமான அபய் சின்ஹா ; PDL நிறுவனத்தின் குழு உறுப்பினரும் AP International நிறுவனத்தின் இணை நிறுவனர் மற்றும் நிர்வாகப் பங்குதாரருமான சஞ்சய் அர்ஜுன்தாஸ் வாத்வா ; பத்மஸ்ரீ மற்றும் ஆஸ்கர் விருது பெற்ற ஒலி வடிவமைப்பாளர் டாக்டர் ரசூல் பூக்குட்டி; நிதித்துறை நிபுணர் ஜிதேந்திர நாக்பால்; Matrix Celebrity Management நிறுவனத்தின் இணை நிறுவனரான ரேஷ்மா ஷெட்டி ஆகியோரும் குழுவில் இணைந்துள்ளனர்.
இதனுடன், MX Player நிறுவனத்தின் முன்னாள் நிர்வாகியான சுரேஷ் மேனன்; Percept Picture Company நிறுவனத்தின் முன்னாள் நிர்வாகியும் தற்போது Janta Cinema நிறுவனத்தின் நிறுவனருமான யூசுப் ஷேக்; Tulsea நிறுவனத்தின் Writer-Director பிரிவின் முன்னாள் தலைவரும் தற்போது தென்னிந்திய விரிவாக்கப் பணிகளை முன்னெடுத்து வருபவருமான ராதிகா கோபால்; தகவல் தொடர்பு மற்றும் நற்பெயர் மேலாண்மை நிபுணரான ரஹத் பெரி ஆகியோரும் CineNow குழுவில் இடம்பெற்றுள்ளனர்.
இவர்கள் CineNow நிறுவனத்தின் தலைவர் மற்றும் நிர்வாக இயக்குநர் ரோஹித் டால்மியா மற்றும் முதன்மை ஆலோசகர் சித்தார்த் ராய் கபூர் ஆகியோருடன் இணைந்து செயல்படுகின்றனர்.
இதுகுறித்து CineNow நிறுவனத்தின் தலைவர் மற்றும் நிர்வாக இயக்குநர் ரோஹித் டால்மியா கூறுகையில், “இந்தியா மிகச் சிறந்த பொழுதுபோக்கு சூழலை உருவாக்கியுள்ளது. இருப்பினும், பொழுதுபோக்கு துறையைச் சுற்றியுள்ள முதலீட்டு கட்டமைப்பு இன்னும் வளர்ச்சியடைந்து வருகிறது. உள்ளடக்கம், பார்வையாளர்கள், தளங்கள், விநியோகம் மற்றும் முதலீடு ஆகியவற்றை நன்கு அறிந்த தலைவர்களை ஒன்றிணைத்து, நிறுவனமயமான மற்றும் பல்வேறு படைப்புகளை உள்ளடக்கிய முதலீட்டு அணுகுமுறையை CineNow உருவாக்குகிறது.
இந்தக் குழுவின் திறமை மற்றும் பல்வேறு துறைகளில் உள்ள அனுபவம், சரியான வாய்ப்புகளை அடையாளம் காணவும், அவற்றைத் தீவிரமாக மதிப்பீடு செய்யவும், நம்பிக்கையுடன் முதலீடுகளை மேற்கொள்ளவும் தேவையான படைப்பாற்றல் மற்றும் வணிகத் திறனை வழங்குகிறது,” என்றார்.
CineNow தற்போது படைப்பாற்றல் சார்ந்த ஒத்துழைப்புகள் மற்றும் திரைப்பட உள்ளடக்கங்களைத் தேடும் பணிகளைத் தொடங்கியுள்ளது. இந்தி மொழியுடன், மராத்தி, குஜராத்தி, பஞ்சாபி, தெலுங்கு, தமிழ் மற்றும் மலையாளம் உள்ளிட்ட பிராந்திய மொழிகளில் உருவாகும் திரைப்படங்களையும் நிறுவனம் பரிசீலித்து வருகிறது.
திரைப்படங்களின் படைப்பாற்றல் வலிமை, வணிக வாய்ப்பு, பார்வையாளர்களின் எதிர்பார்ப்பு, திறமைகள், தயாரிப்பு பொருளாதாரம், விநியோக வாய்ப்புகள் மற்றும் நீண்டகால அறிவுசார் சொத்து மதிப்பு உள்ளிட்ட பல்வேறு அம்சங்களின் அடிப்படையில் முதலீட்டு வாய்ப்புகள் மதிப்பீடு செய்யப்படும்.
CineNow-ன் முதலீட்டுக் குழு, முதலீட்டு வாய்ப்புகளை மதிப்பீடு செய்தல், திரைப்பட உள்ளடக்கம் மற்றும் வணிக வாய்ப்புகளை ஆய்வு செய்தல், முதலீட்டு தொகுப்பை உருவாக்குதல் மற்றும் நீண்டகால அறிவுசார் சொத்து மதிப்பை உருவாக்குதல் உள்ளிட்ட பணிகளை மேற்கொள்ளும்.
இந்திய கவுன்சில், திரைப்படம், படைப்பாற்றல், ஊடகம், விநியோகம் மற்றும் நிதித்துறை சார்ந்த விரிவான தொழில்துறை மற்றும் வணிகக் கண்ணோட்டங்களை வழங்கும். அதேசமயம், தலைமைத்துவக் குழு நிறுவனத்தின் செயல்பாடுகள் மற்றும் முதலீட்டு நடவடிக்கைகளை முன்னெடுக்க உதவும்.
CineNow நிறுவனம் அடுத்த ஆறு ஆண்டுகளில் 30-க்கும் மேற்பட்ட திரைப்படங்களில் US$150 மில்லியன் முதலீடு செய்ய இலக்கு நிர்ணயித்துள்ளது. திரையரங்க வெளியீடு, ஸ்ட்ரீமிங், சர்வதேச விநியோகம், இசை, உரிமம் மற்றும் பிற அறிவுசார் சொத்து உரிமைகள் உள்ளிட்ட பல்வேறு வழிகளில் நீண்டகால மதிப்பை உருவாக்குவதில் நிறுவனம் கவனம் செலுத்தும்.
திரைப்படத் துறையில் Tokenisation எனப்படும் தொழில்நுட்பத்தை அறிமுகப்படுத்தும் முன்னோடி முயற்சியையும் CineNow மேற்கொண்டு வருகிறது. இதன் மூலம் முதலீட்டு திட்டத்தில் பங்கேற்பை தொழில்நுட்ப அடிப்படையில் வடிவமைத்து, முதலீட்டாளர்களுக்கு அதிக வெளிப்படைத்தன்மை, பணப்புழக்கம் மற்றும் அணுகலை வழங்குவதை நிறுவனம் நோக்கமாகக் கொண்டுள்ளது.
பாரம்பரிய பொழுதுபோக்கு துறை நிதி அமைப்பையும் அடுத்த தலைமுறை டிஜிட்டல் மூலதன சந்தைகளையும் இணைக்கும் வகையில் இந்த தொழில்நுட்பக் கட்டமைப்பு உருவாக்கப்படுகிறது. இதன் மூலம் பரந்த அளவிலான முதலீட்டாளர்களின் பங்கேற்புக்கு வழிவகுப்பதுடன், திரைப்படங்களின் அறிவுசார் சொத்து உரிமைகள் படைப்பாளர்கள் மற்றும் தயாரிப்பு கூட்டாளர்களிடமே தொடர்ந்து இருக்கும் வகையில் இந்த அமைப்பு வடிவமைக்கப்பட்டுள்ளது.