உலகிலுள்ள அனைத்து கிறிஸ்தவர்களும் ஆண்டுதோறும் நவம்பர் இரண்டாம் நாளை கல்லறை திருநாளாக கடைப்பிடிக்கின்றனர்.
அன்றைய நாளில் இறந்து போன தங்களுடைய மூதாதையர்கள், பெற்றோர், உடன்பிறந்தோர், உறவினர்கள், நண்பர்கள் கல்லறைகளுக்கு சென்று மலர்களால் அலங்கரித்து மெழுகுவர்த்தி ஏற்றி அஞ்சலி செலுத்துவர். முன்னதாக இருநாட்களுக்கு முன்பே கல்லறைகளுக்கு சென்று சுத்தப்படுத்தி வெள்ளை அடித்து வர்ணங்கள் பூசி தயார் செய்கிறார்கள்.
தொடர்ந்து கல்லறைகளில் அந்தந்த ஆலய பங்கை சார்ந்த அருட்தந்தையர்கள் இறந்த ஆன்மாக் களுக்காக சிறப்பு திருப்பலி நிறை வேற்றினர். தொடர்ந்து கல்லறைகள் அருட் தந்தையார்களால் புனித நீர் தெளித்து மந்திரிக்கப்பட்டன. மேலும் இறந்தோர் நினைவாக ஏழை எளியவர்களுக்கு உணவு வழங்குதல், புத்தாடைகள் வழங்குதல் போன்ற வகைகளில் தங்களுடைய இறந்தோர் நினைவாக அஞ்சலி செலுத்தும் நிகழ்ச்சி நடந்தது.
வீடுகளையும் சுத்தம் செய்து வீடுகளில் உள்ள அவரது படங்களுக்கு மலர் அஞ்சலி மற்றும் மெழுகுவர்த்தி ஏற்றி வைத்து வழிபாடு நடத்தினர். மதுரையில் பழமை மிக்க மகபூப் பாளையம் கல்லறைதோட்டம் , துவரிமான் கல்லறைதோட்டம்
,தத்தனேரி கல்லறை தோட்டம் , இவ்வாறாக அனைத்து கிறிஸ்தவர்கள் கல்லறைகளுக்கும் சென்று தங்களது மூதாதையர்களுக்கு அஞ்சலி செலுத்தினர்.