சிறப்பு காய்கறி தொகுப்பு விற்பனை மாவட்ட ஆட்சித் தலைவர் தொடங்கி வைத்தார்

கடலூர்
ரூ.100-க்கு 10 வகையான வெற்றி சிறப்பு காய்கறி தொகுப்பு வழங்கப்படுகிறது
மாவட்ட ஆட்சித்தலைவர் சிபி ஆதித்யா செந்தில்குமார் தெரிவித்தார்

சாவடியில் உள்ள வேளாண்மை மற்றும் உற்பத்தியாளர்கள் கூட்டுறவு விற்பனை சங்கத்தில் ரூ.100க்கு 10 வகையான வெற்றி சிறப்பு காய்கறி தொகுப்பு விற்பனையை மாவட்ட ஆட்சித்தலைவர் சிபி ஆதித்யா செந்தில் குமார் (05.11.2026) அன்று துவக்கி வைத்தார்.

மாண்புமிகு தமிழ்நாடு முதலமைச்சர் ச.ஜோசப் விஜய் உத்தரவின்படி, பொதுமக்களுக்கு அத்தியாவசியமான காய்கறிகளைத் தரமான முறையில் குறைந்த விலையான ரூ.100-க்கு வழங்கும் நோக்கில், கூட்டுறவுத் துறையின் சார்பில் நிறைந்தது மனம் 10 வகையான காய்கறிகள் அடங்கிய வெற்றி சிறப்பு காய்கறித் தொகுப்பு விற்பனைத் திட்டம் தொடங்கப்பட்டுள்ளது.

நிறைந்தது மனம் இத்திட்டத்தின் கீழ், கடலூர் மாவட்டத்தில் கடலூர் மாவட்ட கூட்டுறவு மொத்த விற்பனை பண்டகசாலை, கடலூர் வேளாண்மை மற்றும் உற்பத்தியாளர் கூட்டுறவு விற்பனைச் சங்கம்,கடலூர் அனைத்து பணியாளர்கள் கூட்டுறவு விற்பனைப் பண்டகசாலை, சிதம்பரம் வேளாண்மை மற்றும் உற்பத்தியாளர்கள் கூட்டுறவு விற்பனைச் சங்கம் மற்றும் விருத்தாசலம் வேளாண்மை மற்றும் உற்பத்தியாளர் கூட்டுறவு விற்பனைச் சங்கம் ஆகிய இடங்களில் இக்காய்கறித் தொகுப்பு விற்பனை செய்யப்பட்டு வருகிறது.

இத்தொகுப்பில் பெரிய வெங்காயம் 500 கிராம், தக்காளி 500 கிராம், கத்திரிக்காய் 250 கிராம், உருளைக்கிழங்கு 250 கிராம், கேரட் 200 கிராம், பீன்ஸ் 200 கிராம், பச்சை மிளகாய் 100 கிராம், எலுமிச்சை 100 கிராம், இஞ்சி 50 கிராம் மற்றும் தேங்காய் 400 முதல் 450 கிராம் வரை என மொத்தம் 10 வகையான காய்கறிகள் இடம்பெற்றுள்ளன.

எனவே, வெளிச்சந்தை விலையைவிடக் குறைந்த விலையில் தரமான அத்தியாவசிய காய்கறிகளைப் பெறும் வகையில் கூட்டுறவுத் துறையின் மூலம் செயல்படுத்தப்படும் இத்திட்டத்தினைப் பொதுமக்கள் அனைவரும் பயன்படுத்திக் கொள்ளுமாறு மாவட்ட ஆட்சித்தலைவர் சிபி ஆதித்யா செந்தில்குமார் தெரிவித்துள்ளார். நிறைந்தது மனம் காய்கறி சிறப்பு தொகுப்பு திட்டத்தில் பயன்பெற்ற பயனாளி ராஜ்மனோ தெரிவிக்கையில்

என் பெயர் ராஜ்மனோ. நான் புதுகுப்பம் பகுதியில் இருந்து வருகிறேன். தமிழக அரசின் வெற்றி காய்கறித் தொகுப்பில் 100 ரூபாய்க்கு 10 வகையான காய்கறி தொகுப்பு வாங்கினேன். வெளிமார்கெட்டில் விற்பனை செய்யப்படும் விலையைவிட இத்தொகுப்பில் காய்கறிகள் குறைந்த விலையில் கிடைக்கின்றன. குறிப்பாக, தீபாவளி பண்டிகை காலத்தில் குறைந்த விலையில் காய்கறிகள் கிடைப்பது எனது
குடும்பத்திற்கு மிகவும் உதவியாக உள்ளது. இத்தகைய சிறப்பான முயற்சியை எடுத்த அரசுக்கு நன்றியினை தெரிவித்துக் கொள்கிறேன்.

நிறைந்தது மனம் காய்கறி சிறப்பு தொகுப்பு திட்டத்தில் பயனடைந்த பரணி தெரிவிக்கையில்,

என் பெயர் பரணி.
நான் கடலூர் முதுநகர் பகுதியில் இருந்து வருகிறேன். கூட்டுறவு சங்கத்தில் 100 ரூபாய்க்கு வெங்காயம், தக்காளி, இஞ்சி, கேரட், பீன்ஸ் போன்ற 10 காய்கறி வகைகள் குறைந்த விலையில் வாங்கினேன். தீபாவளி பண்டிகை நேரத்தில் மார்கெட் விலையை விட குறைந்த விலையில் பசுமையாகவும், தரமாகவும் இந்த காய்கறிகள் உள்ளது.

எங்களை போன்ற நடுத்தர குடும்பங்களுக்கு குறைந்த விலையில்
காய்கறிகள் கிடைப்பது மிகவும் பயனுள்ளதாக உள்ளது. இத்தகைய சிறப்பான திட்டத்தை அறிவித்த தமிழக அரசுக்கு மனமார்ந்த நன்றியினை தெரிவித்துக் கொள்கிறேன்.