திருவண்ணாமலை மாவட்டம், வந்தவாசி கிளை நூலகம் மற்றும் ஸ்ரீ கிருஷ்ணா கல்வி மையம் இணைந்து 59 ஆவது தேசிய நூலக வார விழாவை கிளை நூலகத்தில் நடத்தியது. இந்த நிகழ்விற்கு கிளை நூலகர் சி. சேகர் தலைமை தாங்கினார். பையூர் முன்னாள் ஊராட்சி மன்றத் தலைவர் வி.விஜயகுமார், ஓய்வுபெற்ற காவல்துறை அதிகாரி மா.கதிரொளி ஆகியோர் முன்னிலை வகித்தனர். ஸ்ரீ கிருஷ்ணா கல்வி மைய முதல்வர் பா.சீனிவாசன் வரவேற்றார். பட்டதாரி ஆசிரியர் ஆர்.எஸ்.சிவக்குமார் தொடக்கவுரை ஆற்றினார்.

சிறப்பு அழைப்பாளராக, வந்தவாசி வட்டாட்சியர் மொ.சரவணன் பங்கேற்று, புத்தக வாசிப்பின் முக்கியத்துவத்தை விளக்கி பேசினார்.‌ மேலும் நூலகத்தை நான் அதிகம் பயன்படுத்திய காரணத்தால் தான் அரசு வேலை எனக்கு கிடைத்தது என்று வலியுறுத்தினார். மேலும் இந்த நிகழ்வில் செஞ்சி தமிழினியன் எழுதிய ‘தூக்கு குண்டு” கவிதை நூலைப் பற்றிய அறிமுக உரையை கவிஞர் பூங்குயில் சிவக்குமார் நிகழ்த்தினார். நிகழ்வில் ஜவகர் சிறுவர் மன்ற திட்ட அலுவலர் பெ.பார்த்திபன், தமுஎகச துணைத் தலைவர் கவிஞர் தமிழ்ராசா, கவிஞர் வந்தை குமரன், ரெட் கிராஸ் சங்க உறுப்பினர்கள் கு.சதானந்தன், அ.ஷாகுல் அமீது, ஓய்வுபெற்ற டிஇஓ பிஏ ஜெயக்கண்ணு, புலவர் ஏழுமலை ஆகியோர் வாழ்த்துரை வழங்கினர். இந்த நிகழ்ச்சியில் பேச்சுப் போட்டி, ஓவியப்போட்டி, திருக்குறள் ஒப்பித்தல் போட்டிகளில் பங்கேற்ற வீனஸ் வித்யாலயா பள்ளி மாணவர்களுக்கு புத்தகப் பரிசுகள் வழங்கப்பட்டது. மூன்றாம் நிலை நூலகர் சு.சங்கர் நன்றி கூறினார்.

செய்தியாளர்: பா. சீனிவாசன், வந்தவாசி.

By admin

Leave a Reply

Your email address will not be published. Required fields are marked *