ராமநாதபுரம் மாவட்டம்:
தொழிலாளர் மற்றும் விவசாயிகள் விரோதப் போக்கை கண்டித்து நாடு முழுவதும் நடைபெற்ற தேசம் தழுவிய மறியல் போராட்டத்தின் ஒரு பகுதியாக, ராமநாதபுரம் மாவட்டம் கடலாடி வட்டம் சிக்கல் மற்றும் முதுகுளத்தூரில் அஞ்சல் அலுவலகங்கள் முன்பு மறியல் போராட்டம் நடைபெற்றது.
சிக்கலில் நடைபெற்ற மறியல்:
சிக்கல் அஞ்சல் நிலையம் முன்பு தமிழ்நாடு விவசாயிகள் சங்க மாவட்டச் செயலாளர் தோழர் மயில்வாகனன் தலைமையில், தமிழ்நாடு விவசாயிகள் சங்கம், விவசாயத் தொழிலாளர் சங்கம் மற்றும் இந்திய தொழிற்சங்க மையம் ஆகிய அமைப்புகள் இணைந்து மறியல் போராட்டத்தில் ஈடுபட்டனர்.
இந்தப் போராட்டத்தில் 63 பெண்கள், 62 ஆண்கள் என மொத்தம் 123 பேர் கைது செய்யப்பட்டு மண்டபத்தில் தங்க வைக்கப்பட்டனர்.
போராட்டத்தில் இந்திய தொழிற்சங்க மைய மாவட்ட துணைத் தலைவர் பச்சமாள், விவசாயிகள் சங்க தாலுகா தலைவர் ராமசாமி, தாலுகா செயலாளர் சுப்பிரமணியன், ஆட்டோ சங்க மாவட்ட பொருளாளர் ஜெயக்குமார், அரசு உப்பளம் செயலாளர் முருகவேல், வாலிபர் சங்க தாலுகா தலைவர் பாலசுப்பிரமணியன், தாலுகா செயலாளர் அபூபக்கர் சித்தி, அம்ஜத்கான், அப்துல்லா, டாஸ்மாக் மாவட்ட செயலாளர் நம்புராஜன், சுமைபணி மாவட்ட செயலாளர் போஸ் உள்ளிட்ட ஏராளமானோர் கலந்து கொண்டனர்.
முதுகுளத்தூரில் மறியல்:
முதுகுளத்தூர் அஞ்சல் அலுவலகம் முன்பும் தொழிலாளர்கள், விவசாயிகள் மற்றும் விவசாயத் தொழிலாளர்கள் பங்கேற்ற மறியல் போராட்டம் நடைபெற்றது.
இந்தப் போராட்டத்தில் 27 பெண்கள், 54 ஆண்கள் என மொத்தம் 81 பேர் கலந்து கொண்டனர்.
போராட்டத்திற்கு விவசாயத் தொழிலாளர் சங்க மாவட்டச் செயலாளர் கணேசன் தலைமை வகித்தார். உள்ளாட்சி சங்க மாவட்டத் தலைவர் பிரான்சிஸ் மற்றும் தமிழ்நாடு விவசாயிகள் சங்க தாலுகா செயலாளர் சண்முகையா ஆகியோர் முன்னிலை வகித்தனர்.
மாவட்டக் குழு உறுப்பினர் முருகன், விவசாயத் தொழிலாளர் சங்க தாலுகா செயலாளர் அங்குதன், தாலுகா தலைவர் முருகேசன், தாலுகா பொருளாளர் பாலசுப்பிரமணியன், விவசாயத் தொழிலாளர் சங்க மாவட்டக் குழு உறுப்பினர் ஜான்சி ராணி, எல்ஐசி முகவர்கள் சங்க மதுரை கோட்டத் தலைவர் குருசாமி, மாற்றுத்திறனாளிகள் சங்க மாவட்டத் தலைவர் ராஜேஸ், முதுகுளத்தூர் தாலுகா செயலாளர் ஆரோக்கிய பிரபாகர் உள்ளிட்டோர் கலந்து கொண்டனர்.
தொழிலாளர்கள், விவசாயிகள் மற்றும் விவசாயத் தொழிலாளர்களுக்கு எதிரான கொள்கைகளை கண்டித்து நடைபெற்ற இந்த தேசம் தழுவிய மறியல் போராட்டத்தில் ஏராளமானோர் பங்கேற்றனர்.