சென்னை, ஆகஸ்ட்
இந்தியாவின் 80-வது சுதந்திர தினத்தை முன்னிட்டு, SMART Foundation தனது தலைமை அலுவலகத்தில் கல்விச் சுதந்திரம், சமத்துவம் மற்றும் அனைவரையும் உள்ளடக்கிய சமூகத்தை வலியுறுத்தும் வகையில் சிறப்பான நிகழ்வை ஏற்பாடு செய்து கொண்டாடியது.
விழாவின் தொடக்கமாக, SMART Foundation-ன் நிர்வாக அறங்காவலரும் வழக்கறிஞருமான திரு. மகேந்திரன் அவர்கள் தேசியக் கொடியை ஏற்றி வைத்தார்.
இதன் ஒரு பகுதியாக, மாற்றுத்திறனாளிகளைக் கொண்ட குடும்பங்களைச் சேர்ந்த, குடும்பத்தில் முதல் தலைமுறை பட்டதாரிகளாக உயர்கல்வி பயிலும் தகுதியான மாணவர்களுக்கு கல்வி உதவித்தொகை வழங்கப்பட்டது. இம்மாணவர்கள் திருவள்ளூர் மாவட்டம், ரெட்ஹில்ஸ் பகுதியில் உள்ள தனியார் கல்லூரியில் BCA பயின்று வருகின்றனர்.
சமூக, பொருளாதார மற்றும் குடும்பச் சூழல் சார்ந்த பல்வேறு சவால்களையும் எதிர்கொண்டு உயர்கல்வியைத் தொடரும் இம்மாணவர்களுக்கு ஆதரவளித்து, அவர்களின் கல்விப் பயணத்தை ஊக்குவிப்பதே இம்முன்னெடுப்பின் நோக்கமாகும்.
SMART Foundation-ன் நிறுவனர் செயலாளரும் CEO-வுமான முனைவார் வழக்கறிஞர் எஸ். எம்.அபிநயா , மாணவர்கள் மற்றும் அவர்களது குடும்பத்தினரிடம் கல்வி உதவித்தொகைக்கான காசோலைகளை வழங்கி, அவர்களின் கல்விப் பயணத்திற்கு ஆதரவளிப்பதில் தனது மகிழ்ச்சியைத் தெரிவித்தார்.
உண்மையான சுதந்திரம் என்பது கற்றுக்கொள்வதற்கும், கனவு காண்பதற்கும், தன்னம்பிக்கையுடன் முன்னேறுவதற்கும், தன்னிறைவு அடைவதற்கும், கண்ணியத்துடன் வாழ்வதற்கும் ஒவ்வொருவருக்கும் சமமான வாய்ப்பு கிடைப்பதில்தான் உள்ளது என்ற SMART Foundation-ன் நம்பிக்கையை இம்முன்னெடுப்பு பிரதிபலிக்கிறது.
மாற்றுத்திறனாளிகளைக் கொண்ட குடும்பங்களைச் சேர்ந்த முதல் தலைமுறை மாணவர்களின் கல்விக்கு ஆதரவளிப்பது, கல்விக்கான தடைகளை உடைத்து, சம வாய்ப்பையும் உள்ளடக்கத்தையும் கொண்ட சமூகத்தை உருவாக்குவதற்கான ஒரு முக்கியமான முன்னெடுப்பாகும் என்று அவர் தெரிவித்தார்