மதுரை கிழக்கு சட்டமன்ற தொகுதி பாகம் எண் 70, மாநகராட்சி 6 வது வார்டு பகுதியில்
“என் வாக்குச்சாவடி வெற்றி வாக்குச்சாவடி” பரப்புரை.
“தமிழ்நாடு தலைகுனியாது – என் வாக்குச்சாவடி வெற்றி வாக்குச்சாவடி” பரப்புரையின் முதல் கட்டமாக 68,463 வாக்குச்சாவடிகளிலும் சிறப்பு தீவிர வாக்காளர் பட்டியல் திருத்தத்தின்போது (SIR) தி.மு.க .வாக்குச்சாவடி குழு உறுப்பினர்கள் 6.8 லட்சம் பேர் BLO மற்றும் வாக்காளர்களுக்கு உதவிட கழகத் தலைவர் – முதலமைச்சர் மு.க. ஸ்டாலின் அவர்கள் அறிவுறுத்தி யிருந்தார்.
பரப்புரையின் இரண்டாம் கட்டம். அடுத்த 30 நாட்களுக்கு மாநிலம் தழுவிய தீவிரமான பரப்புரையாக மேற்கொள்ளப்பட இருக்கிறது.மேலும், தமிழ்நாடு முழுவதும் டிசம்பர் 10 முதல் ஜனவரி 10 வரை, பகுதி/ ஒன்றியம்/நகரம்/பேரூர் கழக செயலாளர்கள் 68,463-க்கும் மேற்பட்ட வாக்குச் சாவடிகளுக்குச் சென்று 2026 சட்டமன்ற தேர்தலில் அந்தந்த வாக்குச்சாவடி அளவில் வெற்றி பெறுவதற்கான உத்தி களை வகுக்க பயிற்சியளிக்கப்
பட்டுள்ளனர்.
இதுவரை எந்தவொரு கட்சியும் செய்யாத வகையில் 1900 மேற்பட்ட பகுதி / ஒன்றியம் / நகரம் / பேரூர்க் கழகச் செயலாளர்களுடன் – 78 கழக மாவட்ட செயலாளர்கள், 33 நாடாளுமன்ற உறுப்பினர்கள், 124 சட்டமன்ற உறுப்பினர்கள் மற்றும் மாநில, மாவட்ட குழு உறுப்பினர்கள் குழுவானது 30 நாட்களில் 68,463 வாக்குச்சாவடிகளையும் நேரடியாக பார்வையிடும் வகையில் திட்டமிடப்பட்டுள்ளது.
மேலும், 6.8 லட்சம் தி.மு.க பூத் கமிட்டி உறுப்பினர்களை உற்சாகப்படுத்தவும், அணிதிரட்டவும் பரப்புரை வடிவ மைக்கப்பட்டுள்ளது.
கழகத் தலைவர் – முதலமைச்சர் மு.க.ஸ்டாலின் , ஒவ்வொரு பூத்திலும் தெருமுனை கூட்டங்கள், வீடு வீடாகச் சென்று கலந்துரை யாடல்கள் மற்றும் வாக்காளர் சரிபார்ப்பு இயக்கங்கள் மூலம் அடித்தட்டு அளவில் கழக்கத்தினரை ஈடுபடுத்தி வாக்குச்சாவடி பலப்படுத்தப்பட வேண்டும் என்றும், முன்னோடி தலைவர்கள் உட்பட அனைத்து தி.மு.க. நிர்வாகிகளும் 2021 சட்டமன்ற தேர்தலை விட கூடுதல் வாக்குகளை தங்கள் வாக்குச்சாவடியில் பெறும் வகையில் தங்களது வாக்குச்சாவடிகளை பலப்படுத்தி வெற்றி வாக்குச்சாவடியாக மாற்றிக்காட்ட வேண்டும் என்றும் அறிவுறுத்தினார். மேலும், வாக்குச்சாவடி குழு உறுப்பினர்கள் அனைவரும் போர்க்கால அடிப்படையில் SIR பணிகளில் ஈடுபட வேண்டும் என்றும் கேட்டுக் கொண்டார்.
அதன்படி மதுரை கிழக்கு சட்டமன்ற தொகுதி, மாநகராட்சி 6 வது வார்டு உறுப்பினர் கோபாலகிருஷ்ணன்,என் வாக்குச்சாவடி வெற்றி வாக்குச்சாவடி” பரப்புரையில் பங்கேற்று கடந்த கால தேர்தலில் பெற்ற வாக்குகள் தொடர்பான முடிவுகளின் அடிப்படையில் கிழக்கு சட்டமன்ற தொகுதி பாகம் 70 ல் வார்டு எண் 6 ல் உள்ள பூத் கமிட்டியாளர்களுடன் கலந்துரை யாடினார். நெசவாளர் சங்க நிர்வாகி சோலையப்பன், தொகுதி பொறுப்பாளர் , பகுதி செயலாளர், வட்ட செயலாளர் மற்றும் பாக நிர்வாகிகள் உடன் இருந்தனர்.