புதுச்சேரியில் காதலர் தின கொண்டாட்டத்திற்கு எதிர்ப்பு தெரிவித்து இந்து முன்னணியினர் நகைக்கடை முன்பு ஆர்ப்பாட்டம் ஈடுப்பட்டனர். தொடர்ந்து. வாழ்த்து அட்டையை தீயிட்டு கொளுத்தி எதிர்ப்பு தெரிவித்தனர்.
காதலர் தின கொண்டாட்டத்திற்கு எதிர்ப்பு தெரிவித்து இந்து முன்னணியினர் காமராஜர் சிலை சந்திப்பில் போராட்டம் நடத்தப்படும் என அறிவித்திருந்தனர். இதன்படி இந்து முன்னணி அமைப்பாளர் முருகையன் தலைமையில் 9 பேர் காமராஜ் சிலை முன்பு கூடினார்கள். அப்பொழுது எதிரில் உள்ள ஏ.வி.ஆர் சொர்ண மஹால் நகைக்கடையில் காதலர் தின வாழ்த்து பேனர் வைக்கப்பட்டிருந்தன. அதன் எதிரே சென்று இந்து முன்னணியினர் கோஷமிட்டனர்.காதலர் தினத்தை வணிகர்கள் ஊக்கப்படுத்த கூடாது என கூறி அவர்கள் கோஷமிட்டனர்.
அவர்களை போலீசார் அப்புறப்படுத்த முயன்ற போது காதலர் தின வாழ்த்து அட்டையை எரித்து அவர்கள் எதிர்ப்பு தெரிவித்து தொடர்ந்து முருகையன் உட்பட ஒன்பது பேரை போலீசார் கைது செய்தனர்…