அலங்காநல்லூர்
மதுரை மாவட்டம் அலங்காநல்லூர் அருகே சின்னஇலந்தைகுளம் பகுதியில் உள்ள தமிழக முதல்வர் சிறு விளையாட்டு அரங்கத்தில் திமுக இளைஞரணி சார்பில் முதல்வர் மு.க. ஸ்டாலின் அவர்களின் பிறந்தநாளை முன்னிட்டு மாநில அளவிலான கைப்பந்து போட்டி நடந்தது. இந்தப் போட்டியை கிழக்கு ஒன்றிய செயலாளர் தன்ராஜ், பேரூர் செயலாளர் ரகுபதி, ஆகியோர் தொடங்கி வைத்தனர்.
இதில் மதுரை, திண்டுக்கல், கோயமுத்தூர், திருச்சி உள்ளிட்ட பல்வேறு மாவட்டங்களில் இருந்து விளையாட்டு வீரர்கள் கலந்து கொண்டனர்.மேலும் சிறப்பாக விளையாடி முதல் நான்கு இடங்களை பிடித்த அணியினருக்கு மதுரை வடக்கு மாவட்ட இளைஞரணி துணை அமைப்பாளர் வைகை மருதுராஜா, அரசு வழக்கறிஞர் பார்த்தசாரதி, ஆகியோர் கோப்பைகள் மற்றும் ரொக்க பணங்களை வழங்கினர். இந்தப் போட்டிக்கான ஏற்பாடுகளை சின்ன இலந்தைகுளம் திமுக இளைஞரணி முருகேசன் என்ற கார்த்திக், ராம்குமார், உள்ளிட்ட நிர்வாகிகள் செய்திருந்தனர்.