திருவாரூர் மாவட்டம் வலங்கைமானில் வலங்கைமான் – நீடாமங்கலம் சாலையில் அரசு பெண்கள் மேல்நிலைப் பள்ளி அருகில் உள்ள வேளாண்மை விற்பனை மற்றும் வணிகத்துறை ஒழுங்குமுறை விற்பனை கூடத்தில் பருத்தி ஏலம் தேசிய வேளாண் மின்னணு சந்தை மூலம் நடைபெறுகிறது.
இந்நிலையில் இந்த வாரம் பருத்தி மறைமுக ஏலம் நடைபெற்றது. ஏலத்தில் நூற்றுக்கும் மேற்பட்ட விவசாயிகள் பருத்தியினை கொண்டு வந்தனர். சேலம், ஈரோடு, நாமக்கல் உள்ளிட்ட பகுதிகளை சேர்ந்த வியாபாரிகள் இந்த ஏலத்தில் கலந்து கொண்டனர்.
பருத்தி அதிகபட்ச விலையாக குவிண்டால் 7 ஆயிரத்து 899 ரூபாய்க்கும், குறைந்தபட்ச விலையாக 7 ஆயிரத்து 399 ரூபாய்க்கும், சராசரி விலையாக குவிண்டால் 7 ஆயிரத்து 774 ரூபாய்க்கும் ஏலம் போனது. மொத்தம் 611.56 குவிண்டால் பருத்தி 47 லட்சத்து 36 ஆயிரத்து 525 ரூபாய்க்கு ஏலம் போனது.