ந.மணிவண்ணன் பாப்பிரெட்டிப்பட்டி செய்தியாளர்
அக்டோபர் 2 காந்தி ஜெயந்தி இன்று நடைபெறும் கிராம சபை கூட்டத்தின் முதன்மை நோக்கம் “வலிமையான கிராமங்கள் – வளமான தமிழ்நாடு” என்ற குறிக்கோளுடன் மக்களின் நேரடி பங்கேற்புடன் கிராமங்களின் வளர்ச்சியைத் தீர்மானிப்பதாகும்.
மகாத்மா காந்தியின் “கிராம சுயராஜ்யம்” என்ற கனவை நனவாக்கும் வகையில் இந்த சிறப்பு கிராம சபை கூட்டங்கள் நாடு முழுவதும் நடத்தப்படுகின்றன.
மக்களின் பங்கேற்பு மற்றும் திட்டமிடல்: கிராம மக்கள் அனைவரும் நேரடியாகப் பங்கேற்று, தங்களின் உள்ளூர் தேவைகள், குறைபாடுகள் மற்றும் யோசனைகளை முன்வைத்து அடுத்த நிதி ஆண்டிற்கான (2027–28) கிராம ஊராட்சி வளர்ச்சித் திட்டங்களை (GPDP) தயாரிக்க இந்த சிறப்பு கிராம சபை வழிவகுக்கிறது.
அரசின் திட்டங்களை ஆய்வு செய்தல்: மத்திய மற்றும் மாநில அரசுகளின் முக்கிய மக்கள் நலத்திட்டங்கள் கிராமத்தில் எவ்வாறு செயல்படுத்தப்படுகின்றன என்பதை ஆய்வு செய்வதும், தகுதியுள்ள பயனாளிகளுக்கு திட்டங்களின் பலன்கள் சென்றடைவதை உறுதி செய்வதும் இதன் நோக்கமாகும்.
- சுத்தமான மற்றும் ஆரோக்கியமான கிராமம் (Swachh Bharat Diwas): காந்தி ஜெயந்தி ‘தூய்மை நாளாகக்’ கொண்டாடப்படுவதால், கிராமத்தின் சுகாதாரம், தூய்மைப் பணிகள், திடக்கழிவு மேலாண்மை மற்றும் சுற்றுச்சூழல் பாதுகாப்பு குறித்து விவாதிக்கப்படும்.
குடிநீர் மேலாண்மை: ‘ஜல் ஜீவன் இயக்கம்’ (Jal Jeevan Mission) மற்றும் ‘ஹர் கர் ஜல்’ (Har Ghar Jal) திட்டங்களின் கீழ் கிராமத்தின் நீர் ஆதாரங்களைப் பராமரித்தல், குடிநீர் இருப்பு மற்றும் தரம் போன்ற நீர் மேலாண்மைப் பணிகள் குறித்து தீர்மானங்கள் நிறைவேற்றப்படும்.
மக்களையும் அரசையும் இணைத்தல்: கிராம மக்கள், ஊராட்சி பிரதிநிதிகள் மற்றும் அரசு அதிகாரிகள் ஒரே இடத்தில் கூடி விவாதிப்பதன் மூலம் உள்ளாட்சி நிர்வாகத்தை மேலும் வலுப்படுத்துவதே இதன் முக்கிய நோக்கமாகும்.
தமிழ்நாடு முதலமைச்சர் திரு. ச. ஜோசப் விஜய் அவர்கள், மக்கள் தங்களின் உரிமைகளைப் பயன்படுத்தவும், கிராமங்களை மேம்படுத்தவும் இக்கூட்டங்களை மக்கள் திருவிழாவாகக் கொண்டாடி பெருந்திரளாகப் பங்கேற்க வேண்டும் என்று வேண்டுகோள் விடுத்துள்ளார்.அதன் அடிப்படையில் தர்மபுரி மாவட்டம் பாப்பிரெட்டிப்பட்டி ஒன்றியத்திற்கு உட்பட்ட பையர் நத்தம் ஊராட்சியில் பையர் நத்தம் ஊராட்சி செயலர் ராஜீவ் காந்தி தலைமையில் கிராம சபை கூட்டம் நடைபெற்றது- இக்கூட்டத்தில் பால்வளத்துறை சார்பாக பிரபு ஆவின்பால் செயலாளர் வட்டார வளர்ச்சிதுணை அலுவலர் சரளா கோபிநாத் பையர் நத்தம் பால் கூட்டுறவு செயலாளர் பையர் நத்தம் அரசு மருத்துவமனை மருத்துவர் சுதா மற்றும் கிராம நிர்வாக அலுவலர் இளங்கோ வெங்கடேஷ் கம்ப்யூட்டர் ஆப்ரேட்டர் பொம்மிடி நடூர் காவல் நிலைய SSI ரவி சக்கரவர்த்தி மற்றும் புது வாழ்வு திட்ட மகளிர் மற்றும் தூய்மை பணியாளர்கள் பொதுமக்கள் கலந்து கொண்டனர்