கோவை மாநகரின் முன்னாள் சட்டமன்ற உறுப்பினரும், திமுக கழக தீர்மானக் குழு செயலாளர் நா. கார்த்திக் அவர்கள், தினசரி காலை வேளையில் பொது இடங்களில் தொடர்ச்சியாக ஓட்டப் பயிற்சி மேற்கொண்டு மக்களிடையே பெரும் கவனத்தையும் ஈர்ப்பையும் பெற்று வருகிறார்.
உடல் ஆரோக்கியத்தின் அவசியத்தை வலியுறுத்துவதுடன், மக்களுடன் நேரடித் தொடர்பில் இருக்கும் நோக்கில் அவர் முன்னெடுத்து வரும் இந்த தினசரி ஓட்டப் பயிற்சி, வெறும் உடற்பயிற்சியாக மட்டுமில்லாமல் பொதுமக்கள் மத்தியில் நல்வாழ்வு, சுற்றுச்சூழல் பாதுகாப்பு மற்றும் உடற்பயிற்சி குறித்த விழிப்புணர்வை ஏற்படுத்தும் ஒரு முக்கிய முன்னெடுப்பாக மாறியுள்ளது.
காலை நேரத்தில் பூங்காக்கள் மற்றும் முக்கியச் சாலைகளில் சக மனிதர்களோடு இணைந்து ஓடும் அவர், வழியில் சந்திக்கும் பொதுமக்களிடம் இன்முகத்தோடு நலம் விசாரித்தும், அவர்களின் குறைகளைக் கேட்டறிந்தும் வருவது இப்பகுதி மக்களிடையே அவருக்கு இருக்கும் செல்வாக்கை மேலும் உயர்த்தியுள்ளது. ஒரு மக்கள் பிரதிநிதியாக இருந்துகொண்டு, உடல்தகுதியை ஒரு இயக்கமாகவே மாற்றி, மக்கள் மத்தியில் ஆரோக்கியமான வாழ்க்கை முறையைத் தொடர்ந்து ஊக்குவித்து வரும் அவரது இந்த முயற்சி கோவை மக்கள் மத்தியில் பரவலான பாராட்டுக்களையும் வரவேற்பையும் பெற்று வருகிறது.