சத்தியமங்கலம்: சத்தியமங்கலம் புதிய பேருந்து நிலையம் அருகில், இந்தியாவின் முதல் பிரதமர் பண்டித ஜவஹர்லால் நேரு அவர்களின் 137-வது பிறந்தநாள் விழா மற்றும் குழந்தைகள் தின விழா சிறப்பாகக் கொண்டாடப்பட்டது.
இதையொட்டி, நேருவின் திருவுருவப் படத்திற்கு மாலை அணிவித்து மரியாதை செலுத்தப்பட்டது. தொடர்ந்து பொதுமக்கள் மற்றும் குழந்தைகளுக்கு இனிப்புகள் வழங்கப்பட்டு விழா உற்சாகமாகக் கொண்டாடப்பட்டது.
இந்நிகழ்ச்சிக்கு சத்தியமங்கலம் நகர காங்கிரஸ் கமிட்டித் தலைவர் ச.அ. ஜஹாங்கீர் தலைமை தாங்கினார். சண்முகசுந்தரம் வரவேற்புரையாற்றினார்.
இதில் மாவட்டத் துணைத் தலைவர் சந்திரசேகர், மாவட்ட செயற்குழு உறுப்பினர் எஸ்.எம். சுப்பிரமணியம், மாவட்டப் பொதுச் செயலாளர் சிவக்குமார், முன்னாள் நகரத் தலைவர் ஸ்ரீராம் ஆகியோர் கலந்து கொண்டு சிறப்பித்தனர்.
நிறைவாக மாவட்ட ஒருங்கிணைப்பாளர் அப்சல் நன்றி கூறினார்.
விழாவில் காங்கிரஸ் நிர்வாகிகள், கட்சித் தொண்டர்கள் மற்றும் பொதுமக்கள் திரளாகக் கலந்து கொண்டு விழாவைச் சிறப்பித்தனர்.