அரியலூர்: ராணிப்பேட்டை மாவட்டம், ஆற்காடு ஸ்ரீ மகாலட்சுமி பெண்கள் கல்லூரியில், முன்னாள் குடியரசுத் தலைவர் டாக்டர் ஏ.பி.ஜே. அப்துல் கலாம் அவர்களின் பிறந்தநாளை முன்னிட்டு, இளைஞர் எழுச்சி நாளாகக் கொண்டாடும் வகையில் மாநில அளவிலான அறிவியல் கண்காட்சி நடைபெற்றது.
இந்த அறிவியல் கண்காட்சியில் அரியலூர் மாண்ட்போர்ட் மெட்ரிக் மேல்நிலைப்பள்ளியில் எட்டாம் வகுப்பு பயிலும் ஹெ. வா. ஹெனிஸ்டா ஆக்னேலோ மற்றும் ச. ஸ்ரீவர்ஷினி ஆகிய இரு மாணவிகளும் கலந்து கொண்டு மாநில அளவில் வெற்றி பெற்றனர். இதன் மூலம் அகில இந்திய அளவிலான போட்டிக்குத் தேர்வு செய்யப்பட்டுள்ளனர்.
மாணவிகளின் இந்தச் சாதனையைப் பாராட்டி ஊக்குவிக்கும் வகையில், பள்ளியின் தாளாளரும் முதல்வருமான அருட்சகோதரர் அந்தோணிசாமி அவர்கள் இரு மாணவிகளையும் பாராட்டி, வாழ்த்துகளைத் தெரிவித்தார்.
இந்நிகழ்வில் பள்ளியின் துணை முதல்வர் அருட்சகோதரர் செ. சவரி, அறிவியல் ஆசிரியர் செ. ராஜேந்திரன், சமூக அறிவியல் ஆசிரியர் த. வாலண்டினா ஆகியோர் உடனிருந்தனர்.
மாநில அளவில் வெற்றி பெற்று அகில இந்திய அளவிலான போட்டிக்குத் தேர்வாகியுள்ள மாணவிகளுக்குப் பள்ளி நிர்வாகம், ஆசிரியர்கள் மற்றும் பெற்றோர்கள் தங்களது வாழ்த்துகளைத் தெரிவித்தனர்.