கோவை கே.ஜி. கல்விக் குழுமத்தின் சார்பில் குழந்தைகள் தினத்தை முன்னிட்டு, பள்ளி மாணவர்களின் படைப்பாற்றல் மற்றும் அறிவியல் திறன்களை வெளிப்படுத்தும் வகையில், கே.ஜி. கலை மற்றும் அறிவியல் கல்லூரி சார்பில் ‘ எக்ஸ்ப்ளோர் (Xplore) 2026’ புத்தாக்கத் திருவிழா,கல்லூரி வளாகத்தில் நடைபெற்றது.

இதில் கோவை மற்றும் சுற்றுவட்டாரப் பகுதிகளைச் சேர்ந்த 60-க்கும் மேற்பட்ட பள்ளிகளில் இருந்து 1,700-க்கும் மேற்பட்ட மாணவ, மாணவிகள் கலந்து கொண்டனர்.மாணவர்களின் அறிவியல் சிந்தனை, புதிய கண்டுபிடிப்புகளை உருவாக்கும் திறன் மற்றும் தொழில்நுட்ப அறிவை வெளிப்படுத்தும் வகையில் ஆறு பிரிவுகளில் புத்தாக்கக் கண்காட்சி நடைபெற்றது.

இதில் வீட்டு பயன்பாட்டு தானியங்கி தொழில்நுட்பம், பாதுகாப்பு, மருத்துவம், கணினிப் பாதுகாப்பு, வான்வழிக் கண்காணிப்பு மற்றும் வேளாண்மை சார்ந்த புதிய தொழில்நுட்பப் படைப்புகள் இடம்பெற்றன.மேலும், 9 முதல் 12-ம் வகுப்பு வரை பயிலும் மாணவர்களுக்காக பல்வேறு அறிவுத்திறன் மற்றும் படைப்பாற்றல் போட்டிகள் நடத்தப்பட்டன.

மாணவர்களின் சிந்திக்கும் திறன், செயல்திறன், முடிவெடுக்கும் ஆற்றல் மற்றும் புதிய முயற்சிகளை ஊக்குவிக்கும் வகையில் நடைபெற்ற போட்டிகளில் வெற்றி பெற்றவர்களுக்கு ரொக்கப் பரிசுகள் வழங்கப்பட்டன.விழாவில் கே.ஜி. கலை மற்றும் அறிவியல் கல்லூரியின் கணினி அறிவியல் துறைப் புல முதன்மையர் முனைவர் உஷா வாழ்த்துரை வழங்கினார்.

கல்லூரி முதல்வர் முனைவர் எஸ். வித்யா தலைமை உரையாற்றினார்.

சிறப்பு விருந்தினராகப் பங்கேற்ற கோவை சகோதயா பள்ளிகளின் தலைவர் மற்றும் அங்கப்பா சி.பி.எஸ்.இ. மேல்நிலைப்பள்ளியின் முன்னாள் முதல்வர் கே. நவமணி, போட்டிகளில் வெற்றி பெற்ற மாணவர்களுக்குப் பரிசுகளை வழங்கிப் பாராட்டினார்.இதில் ஒட்டுமொத்த வெற்றிக்கான கோப்பையை துடியலூர் வித்யா விகாஷ் மெட்ரிக் மேல்நிலைப்பள்ளி பெற்றது. மாணவர்களைப் போட்டிகளில் பங்கேற்க ஊக்குவித்து அழைத்து வந்த ஆசிரியர்களுக்கும் நினைவுப் பரிசுகள் வழங்கப்பட்டன.

நிகழ்ச்சிக்கான ஏற்பாடுகளைச் செய்த கல்லூரியின் புதுமை மற்றும் புத்தாக்கத் துறை தலைவர் முனைவர் காஞ்சனா நன்றி கூறினார்.

By admin

Leave a Reply

Your email address will not be published. Required fields are marked *