புதுச்சேரி காரைக்கால் திருநகர் பகுதியில் பொதுமக்களிடையே டெங்கு காய்ச்சல் தடுப்பு குறித்த விழிப்புணர்வு பிரச்சாரம் சிறப்பாக நடைபெற்றது.
இந்நிகழ்ச்சியை சமூக செயல்பாட்டாளர் காரை சூர்யா, காரைக்கால் மாணவர்கள் கூட்டமைப்பு ஒருங்கிணைப்பாளர் திரு. ஆதிமுரசு, குயிலி மாதர் சங்கத்தினர் மற்றும் திருநகர் வளர்ச்சிக் குழுவின் பொறுப்பாளர்கள், இளைஞர்கள் இணைந்து ஏற்பாடு செய்திருந்தனர்.
இந்நிகழ்வில் அரசு சுகாதார ஆய்வாளர் திரு. ராஜாராமன் மற்றும் திருநகர் மருத்துவமனையின் கிராமப்புற சுகாதார செவிலியர் திருமதி. மும்தாஜ் அவர்கள் மற்றும் FEDCOT INDIA CONSUMER MOMENT PUDUCHERRY புதுச்சேரி காரைக்கால் நுகர்வோர் கூட்டமைப்பின் மாநில செயலாளர் சிவக்குமார் ஆகியோர் கலந்து கொண்டு பொதுமக்களுக்கு டெங்கு காய்ச்சல் தடுப்பு முறைகள் குறித்து விழிப்புணர்வு வழங்கினர்.
திருநகர் பகுதியைச் சேர்ந்த இளைஞர்கள், பொதுமக்கள் எனப் பலரும் பெருந்திரளாகக் கலந்து கொண்டனர்.இந்த விழிப்புணர்வு பிரச்சாரத்தின் ஒரு பகுதியாக வீடு வீடாகச் சென்று பொதுமக்களுக்கு டெங்கு காய்ச்சல் தடுப்பு குறித்த விழிப்புணர்வு ஏற்படுத்தப்பட்டது. மேலும், விழிப்புணர்வுத் துண்டுப் பிரசுரங்களும் வழங்கப்பட்டன.
பொதுமக்களுக்கு எடுத்துரைக்கப்பட்ட முக்கிய அறிவுரைகள்:
- வீடுகள் மற்றும் சுற்றுப்புறங்களில் தண்ணீர் தேங்காமல் பார்த்துக் கொள்ள வேண்டும்.
- தண்ணீர் தொட்டிகளை முறையாக மூடி வைக்க வேண்டும்.
- வீட்டைச் சுற்றியுள்ள பகுதிகளைத் தூய்மையாகப் பராமரிக்க வேண்டும்.
- கொசுக்கள் உற்பத்தியாவதைத் தடுக்க வேண்டும்.
- காய்ச்சல் ஏற்பட்டால் காலதாமதமின்றி அரசு மருத்துவமனையை அணுக வேண்டும்.
நிகழ்ச்சியின் இறுதியில், பிரச்சாரத்தில் கலந்து கொண்டு சிறப்பித்த அனைவருக்கும் திருநகர் வளர்ச்சிக் குழுவின் தலைவர் திரு. சுரேஷ் அவர்கள் நன்றியுரை வழங்கினார்.