தாராபுரம் செய்தியாளர் பிரபு
செல்:9715328420
குண்டடம்,
திருப்பூர் மாவட்டம், குண்டடம் பகுதியில் செயல்பட்டு வரும் தனியார் மருந்தகங்களில் குடும்ப நல தலைமை மருத்துவர் ஸ்ரீ சுகு மற்றும் குண்டடம் காவல் ஆய்வாளர் விவேக் ஆகியோர் இணைந்து திடீர் ஆய்வு மேற்கொண்டனர்.
குண்டடம் நாள்ரோடு, மேட்டுக்கடை, மானூர் பாளையம், மருதூர், தேர்பாதை உள்ளிட்ட பகுதிகளில் உள்ள தனியார் மெடிக்கல் ஷாப்களில் இந்த ஆய்வு நடைபெற்றது.
இதில், மருத்துவரின் பரிந்துரை இல்லாமல் விற்பனை செய்யப்படும் போதை ஊசிகள் மற்றும் மாத்திரைகள், காலாவதியான மருந்துகள், உரிய அனுமதியின்றி விற்பனை செய்யப்படும் மருந்துகள் மற்றும் பொதுமக்களின் உடல்நலத்திற்குப் பாதிப்பை ஏற்படுத்தக்கூடிய மருந்துகள் விற்பனைக்காக வைக்கப்பட்டுள்ளனவா என்பது குறித்து ஆய்வு மேற்கொள்ளப்பட்டது.
மேலும், குண்டடம் காவல் ஆய்வாளர் விவேக் தலைமையில் அப்பகுதி பொதுமக்களுக்கு போதைப் பொருட்கள் மற்றும் மருந்துகளைத் தவறாகப் பயன்படுத்துவதால் ஏற்படும் பாதிப்புகள் குறித்து விழிப்புணர்வு நிகழ்ச்சியும் நடைபெற்றது.பொதுமக்களின் நலன் கருதி மருந்தகங்களில் தொடர்ந்து கண்காணிப்பு மற்றும் விழிப்புணர்வு நடவடிக்கைகள் மேற்கொள்ளப்பட்டு என தெரிவித்தனர்.