ஈஷா காவேரி கூக்குரல் இயக்கம்
உலக சுற்றுச்சூழல் தினம் மரம் நடும் விழா;-
ஜுன்;-05
ஈஷா காவேரி கூக்குரல் இயக்கம்
2024 – 25 ஆண்டில் தமிழகத்தில் மட்டும் 1.21 கோடி மரங்களை நடுவதற்கு இலக்கு நிர்ணயித்து உள்ளது.
அதன் தொடக்கம் உலக சுற்றுச்சூழல் தினமான இன்று தமிழகத்தின் அனைத்து மாவட்டங்களிலும் நடைபெறுகின்றது..
திருநெல்வேலியில் இந்த ஆண்டு 3,60,000 மரக்கன்றுகள் நட திட்டமிட்டுள்ளனர்.
ஜூன் 5 உலக சுற்றுச்சூழல் தினத்தை முன்னிட்டு வீரவநல்லூரில் கிராமத்தில் நடந்த நிகழ்வில் மயோபதி நிறுவனத்தின் தலைவர் டேனியல் மருத்துவர் முதல் மரக்கன்றை நட்டார் மேலும் புதுக்குளம் ஊராட்சி மன்ற தலைவர் முத்துக்குட்டி பாண்டியன் மரக்கன்றுகளை நடவு செய்தனர்
கடந்த ஆண்டு திருநெல்வேலி மாவட்ட விவசாய நிலங்களில் 3,20,000 மரங்கள் நடப்பட்டுள்ளது
காவேரி கூக்குரல் இயக்கம் தமிழக மற்றும் கர்நாடக மாநிலங்களில் உள்ள விவசாய நிலங்களில் 248 கோடி மரங்களை நடுவதற்கு திட்டமிட்டு செயல்பட்டு வருகிறது.
.
நல்ல வருமானம் தரக்கூடிய மரம் சார்ந்த விவசாய முறையை காவேரி கூக்குரல் விவசாயிகளுக்கு அறிமுகப்படுத்தி வருகிறது. அதன்படி தேக்கு, செம்மரம், சந்தனம், வேங்கை, மலைவேம்பு, மகோகனி, ரோஸ்வுட் போன்ற விலை மதிப்புமிக்க டிம்பர் மரங்களை விவசாயிகள் தங்கள் நிலங்களில் நட்டு வருகிறார்கள். ஏக்கருக்கு 260 முதல் 300 மரங்கள் வரை நடலாம். மற்ற பயிர்களுடன் மரம் நடவிரும்பினால், வேலி ஓரங்களில் மட்டும் 80 முதல் 120 மரங்கள் வரை நடவு செய்யலாம்.
ஈஷா கடந்த 26 ஆண்டுகளாக சுற்றுச்சூழல் மேம்பாடு மற்றும் விவசாயிகளின் பொருளாதார வளர்ச்சி இதை கருத்தில் கொண்டு விவசாய நிலங்களில் மரங்களை நடவு செய்து வருகிறது. தற்போது வரை ஈஷாவின் அடுத்தடுத்த திட்டங்கள் மூலம் 10.9 கோடி மரங்கள் நடப்பட்டுள்ளது. விவசாயிகள் நடுவதற்கு தேவையான மரக்கன்றுகளும் ஈஷா நாற்றுப் பண்ணைகள் மூலம் குறைந்த விலையில் 3 ரூபாய்க்கு வழங்கப்படுகிறது.
விவசாயிகள் மரம் நடுவதற்கும், தொடர்ந்த பராமரிப்பிற்கும் தேவையான தொழில்நுட்ப உதவிகளையும் காவேரி கூக்குரல் இலவசமாக வழங்கி வருகிறது. மண்ணுக்கேற்ற மரங்கள் தேர்வு, நீர் மேலாண்மை, களை மேலாண்மை, ஊடுபயிர் சாகுபடி போன்ற ஆலோசனைகளை காவேரி கூக்குரல் பணியாளர்கள் விவசாய நிலங்களுக்கு சென்று வழங்கி வருகின்றனர். விவசாயிள் கூடுதல் தகவலுக்கும், மரக்கன்றுகள் தேவைக்கும் 80009 80009 என்ற காவேரி கூக்குரல் உதவி எண்ணை தொடர்பு கொள்ளலாம். என தெரிவித்தனர்