திரைப்பட இயக்குனர் நடிகர் பிறந்த நாள் விழா” ராகவி சினி ஆர்ட்ஸ் சார்பிலும், நீலாவதி டிரஸ்ட் சார்பிலும் திரைப்பட இயக்குனரும், நடிகரும், தென்னிந்திய நடிகர் சங்க உறுப்பினரும், சமூக சேவகருமான சேவா ரத்னா டாக்டர் ஜெ.விக்டர் பிறந்த நாள் விழா மிக மிக கோலாகலமாக கொண்டாடப்பட்டது.
மேக்கப் ஆர்ட்டிஸ்டும், நடிகையுமான அங்கிதா தலைமையிலும், தலைவர் சமூக சேவகி மீனா, நடிகை புனிதா மன்மதன் முன்னிலையிலும், நடிகை ரிஷிதா மெழுகுவர்த்தி ஏற்ற விழா நாயகன் கேக் வெட்டி குழந்தை நட்சத்திரம் லியானாவிற்கு ஊட்டினார்.
விழாவில் நகைச்சுவை மன்ற உறுப்பினர் மற்றும் கெளரவ ஆலோசகர் எஸ்.டி.சுப்பிரமணியன், நடிகர் மீசை மனோகரன், வசன கர்த்தாவும், நடிகருமான அப்பா பாலாஜி, நடிகர் மீசை அழகப்பன், நடிகர் டாக்டர் செந்தில் குமார், எழுத்தாளர் விவேக் ராஜ் மற்றும் நடிகர்கள், நடிகைகள், பொது மக்கள் கலந்து கொண்டனர்.