பாபநாசம் செய்தியாளர்
ஆர்.தீனதயாளன்
சூலமங்கலம் ஸ்ரீ முத்து முனீஸ்வரர் ஆலயத்தின் 50-ஆம் ஆண்டு பால்குடம், காவடி, சந்தனகாப்பு மகோற்சவ திருவிழா.
1000-க்கணக்கான பக்தர்கள் கலந்து கொண்டு சாமி தரிசனம்..
தஞ்சாவூர் மாவட்டம், பாபநாசம் தாலுக்கா சூலமங்கலம் இரண்டாம் சேத்தி கிராமத்தில் அமைந்துள்ள ஸ்ரீ முத்து முனீஸ்வரர் ஆலயத்தின் 50-ஆம் ஆண்டு மகோற்சவ திருவிழா நடைபெற்றது. விழாவின் முக்கிய நிகழ்ச்சியான பால்குட விழாவை முன்னிட்டு உற்சவமூர்த்தி சிம்ம வாகனத்தில் குடமுருட்டி ஆற்றில் எழுந்தருளினார். மேளதாளங்கள், வாணவெடிகள் முழங்க பால்குடம், பன்னீர்குடம் மற்றும் பல்வேறு வகையான காவடிகள் எடுத்து, பக்தர்கள் உற்சவமூர்த்தியுடன் அய்யம்பேட்டையின் முக்கிய வீதிகளின் வழியாக கோயிலை வந்தடைந்தனர். அங்கு சுவாமிக்கு சிறப்பு அபிசேகம் ஆராதனையும், அதனைத் தொடர்ந்து சந்தனக்காப்பு விழா நிகழ்வும் நடைபெற்றது. விழாவில் 1000-க்கணக்கான பக்தர்கள் கலந்து கொண்டு சாமி தரிசனம் செய்தனர். விழா ஏற்பாடுகளை ஆலய நிர்வாகக் குழுவினர், சூலமங்கலம், அய்யம்பேட்டை, செருமாக்கநல்லூர், அரியமங்கை கிராம மக்கள் செய்திருந்தனர். பாதுகாப்பு ஏற்பாடுகளை பாபநாசம் துணை காவல் கண்காணிப்பாளர் அசோக் மேற்பார்வையில் போலீசார் செய்திருந்தனர்