தாராபுரம் செய்தியாளர் பிரபு
செல்:9715328420
தாராபுரம் அமராவதி ஆற்றில் வெள்ளப்பெருக்கு கொங்கு கூர் மற்றும் ஆத்துக்கால்புதூர் ஆகிய இரு தரைப்பாளங்கள் நீரில் மூழ்கியது. 50,க்கும் மேற்பட்ட கிராமங்களுக்கு போக்குவரத்து தடைப்பட்டது!.
தாராபுரம் அமராவதி ஆற்றில் வெள்ளப்பெருக்கு காரணமாக கரையோர கிராம பொதுமக்களுக்கு திருப்பூர் மாவட்ட ஆட்சித் தலைவர் கிறிஸ்துராஜ் வெள்ள அபாய எச்சரிக்கை விடுத்துள்ளனர்.
திருப்பூர் மாவட்டம் தாராபுரம்: உடுமலை மற்றும் குதிரைஆறு பகுதிகளில் இருந்து 50, ஆயிரம் கன அடி தண்ணீர் வெளியேற்றப்பட்டுள்ளது. அதே போன்று திண்டுக்கல் மாவட்டம் பழனி சண்முகா நதியிலிருந்து திறந்து விடப்பட்ட தண்ணீரும் அமராவதி ஆற்றில் கலந்து வந்து கொண்டு உள்ளதால் அமராவதி ஆற்றில் தண்ணீர் இருகரையை தொட்டு செல்கிறது.
இதனால் பொதுமக்கள் யாரும் அமராவதி ஆற்றங்கரையில் குளிக்கவோ துணி துவைக்கவும் கூடாது என மாவட்ட ஆட்சித் தலைவர் உத்தரவின் பேரில் வருவாய்த்துறையினர் மற்றும் போலீசார் எச்சரிக்கை விடுத்துள்ளனர். அத்துடன் கரையோர கிராம மக்களுக்கு வெள்ள அபாய எச்சரிக்கை விடப்பட்டுள்ளது.
இதனால் தாராபுரம் புறவழிச்சாலை மேம்பாலம் மற்றும் குடிநீர் தடுப்பணை, ஈஸ்வரன் கோவில் ஆற்று பாலம், பழைய ஆற்றுப்பாலம், அலங்கியம் ஆற்றுப்பாலம், மாற்று கொங்குர் மற்றும் கூடுவாந்துறை, ஆத்துக்கால்புதூர் தரைப்பாலம் உள்ளிட்ட பகுதிகளில் அமராவதி ஆற்று நீருடன் மழைநீர் கலந்து வருகிறது.
கொங்கு கூர் மற்றும் ஆத்துக்கால் புதூர் தரை பாலங்களில் தண்ணீர் மூழ்கி செல்வதால் தரைப்பாலம் முழுவதும் தண்ணீரால் சூழ்ந்துள்ளது இதனால் 50 க்கு மேற்பட்ட கிராமங்களுக்கு செல்வரின் தினசரி பாதை துண்டிக்கப்பட்டுள்ளது மேலும் அமராவதி கரையோரத்தில் உள்ள வயல்களில் தண்ணீர் புகுந்ததால் சம்பா சாகுபடி செய்திருந்த 200க்கும் மேற்பட்ட ஏக்கர் சம்பா பயிர்கள் நீரில் மூழ்கி சேதமானது.
மேலும் தாராபுரம் ஈஸ்வரன் கோவில் பகுதியில் இரும்பு கம்பிகளால் தடுப்பு (பேரிகார்டு) அமைத்து ஆற்றுக்குள் யாரும் இறங்கி சென்று குளிக்க வேண்டாம் என எச்சரிக்கை பதாகை வைத்துள்ளனர். பல வருடங்களுக்குப் பிறகு இரு கரைகளிலும் தண்ணீர் பெருக்கெடுத்து ஓடுவதால் அருகில் உள்ள சுற்றுவட்டார நகர மக்கள் மற்றும் கிராம மக்கள் குடும்பத்துடன் வந்து அமராவதி ஆற்றங்கரையோரம் நின்று வேடிக்கை பார்த்தும், இளைஞர்கள் செல்பி எடுத்தும் செல்கின்றனர்.