செய்தியாளர். ச. முருகவேல் சீனியர் ரிப்போர்டர்
விழுப்புரம் மாவட்டம் கண்டமங்கலம் ஒன்றியம் தெற்கு, பள்ளியநேலியனூரில் அதிமுக உறுப்பினர் உரிமைச்சீட்டு வழங்கு நிகழ்ச்சி நடந்தது. விழுப்புரம் மாவட்ட கழக செயலாளரும் மாநிலங்களவை உறுப்பினருமான சிவி சண்முகம் சிறப்பு விருந்தினராக கலந்து கொண்டார் கட்சித் தொண்டர்கள் அவருக்கு சிறப்பான வரவேற்பு கொடுத்தனர்
முன்னாள் முதல்வர்கள் டாக்டர் , செல்வி ஜெயலலிதா உருவ படங்களுக்கு மாவட்ட கழக செயலாளர் சி. வி.சண்முகம் மலர் தூவி மரியாதை செலுத்தினார் அதனைத் தொடர்ந்து கட்சி தொண்டர்களுக்கு அதிமுக உறுப்பினர் உரிமை சீட்டு வழங்கும் நிகழ்ச்சி நடந்தது.
இந்நிகழ்ச்சியில் மாவட்ட கழக துணை செயலாளரும், வானூர் சட்டமன்ற உறுப்பினருமான சக்கரபாணி, கண்டமங்கலம் தெற்கு ஒன்றிய செயலாளர் ராமதாஸ்,வானூர் தொகுதி வழக்கறிஞர் பிரிவு செயலாளர் தியாகராஜன் ஆகியோர் முன்னிலை வகித்தனர்.
மாவட்ட மகளிர் அணி இணைச் செயலாளரும் மாவட்ட கவுன்சிலருமான நித்தியக் கல்யாணி ராமமூர்த்தி, மற்றும் கண்டமங்கலம் தெற்கு ஒன்றிய பகுதிகளைச் சேர்ந்த அனைத்து கட்சி தொண்டர்களும் திரளாக கலந்து கொண்டு உறுப்பினர் உரிமை சீட்டுகளை பெற்றுக் கொண்டனர்.