மீன்சுருட்டியைச் சேர்ந்த முனைவர் பெ.கிருஷ்ணமூர்த்திக்கு தேசிய மற்றும் மாநில பெருமைமிகு விருதுகள்

பா வடிவேல் அரியலூர் செய்தியாளர்

அரியலூர் மாவட்டம் மீன்சுருட்டியைச் சேர்ந்த அரசு ஆண்கள் மேல்நிலைப் பள்ளி கணினி பாட ஆசிரியர் முனைவர் பெ. கிருஷ்ணமூர்த்தி MCA., B.Ed., M.Phil., (Ph.D) அவர்கள், கடந்த 26 ஆண்டுகளாக மாணவர் கல்விக்காக அர்ப்பணிப்புடன் பணியாற்றி வரும் ஒரு பெருமைமிகு ஆசிரியர்.

அவரது பணி பயணம் 1999ஆம் ஆண்டு கோடாலிகருப்பூர் அரசு மேல்நிலைப் பள்ளியில் தொடங்கியது. இங்கு 10 ஆண்டுகள் சேவையாற்றிய பின்னர், 2008 முதல் 2025 வரை, மீன்சுருட்டி அரசு ஆண்கள் மேல்நிலைப் பள்ளியில் தொடர்ந்து 16 ஆண்டுகள் பணியாற்றி வருகிறார்.

கணினி பாடத்தில் அவர் கொண்டு வந்த கல்வித் தரம் கணிசமானது. 2000 முதல் 2025 வரை, 11வது மற்றும் 12வது வகுப்பு மாணவர்கள் 100% தேர்ச்சி பெறும் சாதனை தொடர்ச்சியாக நடைபெற்று வருகிறது. கல்வியறம், சமூகத்துக்கான சேவை, சுற்றுச்சூழல் மற்றும் இயற்கை விவசாயத்தின் மேம்பாட்டிற்காக முனைப்புடன் செயல்பட்டு, பல்வேறு பரிசுகளும் நற்சான்றிதழ்களும் இவரைச் சார்ந்துள்ளன.

சிறப்புக்குரிய விருதுகளின் சில பட்டியல்கள்:

Doctor of Agriculture (Ph.D) – கௌரவ டாக்டர் பட்டம்

கல்வி திலகம் விருது – பன்னாட்டு லயன்ஸ் சங்கம், திருச்சி

இயற்கை விழிப்புணர்வு விருது – இயற்கை விவசாய அறக்கட்டளை, சென்னை

நல்லாசிரியர் விருது – அறம் அறக்கட்டளை

Natural Organic Farming Award – Pondicherry

சுற்றுச்சூழல் விருது – மரம் நண்பர்கள் அறக்கட்டளை

சமூக சேவகர் விருது – சென்னை

சாதனையாளர் விருது – அறம் அறக்கட்டளை

Dr. A.P.J. Abdul Kalam National Star Award

Mahatma Gandhi National Pride Award

காமராஜர் விருது

திருவள்ளுவர் விருது – 2025, சென்னை

கணிதமேதை ராமானுஜம் விருது – 2025, கும்பகோணம்

பாரதியார் விருது – 2025, சென்னை

அன்னை தெரசா விருது – 2025

Golden Entertainment’s Sparkle Awards – ஆசிரியர் கலா ரத்னா விருது (2025)

தமிழ்நாடு அரசு பள்ளிக்கல்வி துறையின் பாராட்டுச் சான்றிதழ்கள் – 2024, 2025

மேலும் பல்வேறு அரசுத் துறை உயர் அதிகாரிகள் மற்றும் மாவட்ட ஆட்சியர்கள் அவர்களுக்கு வழங்கிய நற்சான்றிதழ்கள் இவரது பணிக்கேற்ற மிகுந்த அங்கீகாரங்கள்.

அதிகரித்த தொழில்நுட்ப உலகில், மாணவர்களுக்கு கணினி அறிவை எளிமையாக கற்றுத் தரும் இவரது பாடமுறைகளும், இயற்கை விவசாயத்திற்கான விழிப்புணர்வும், சமூகத்திற்கும் மாணவர்களுக்குமான ஆளுமை வளர்ச்சிக்கும் இட்டுச் சென்றது குறிப்பிடத்தக்கது. FM 100.3 காரைக்கால் வானொலியில் இயற்கை விவசாயம் குறித்த நேர்காணல் நிகழ்ச்சியிலும் கலந்துகொண்டு, விவசாயத்தின் முக்கியத்துவத்தை மக்களுக்கு எடுத்துச் சொல்லி விழிப்புணர்வு ஏற்படுத்தியுள்ளார்.

இன்னும் பல சாதனைகளை தொடர்ந்து சேர்க்கும் முனைவர் பெ. கிருஷ்ணமூர்த்தி அவர்கள், “ஆசிரியர் என்பது ஒரு தொழில் அல்ல; அது ஒரு சமூகப் பொறுப்பு” என்பதற்கேற்ப மாணவர்களின் எதிர்காலத்தை வடிவமைக்கும் ஆற்றல்மிக்க கல்விச் சுடரொளியாக திகழ்கிறார்.