தென்காசியில் டேபிள் டென்னிஸ் போட்டி-ஆக்ஸ்போர்டு பப்ளிக் பள்ளிக்கு தங்கம் – வெள்ளி பதக்கம்

தென்காசியில் நடைபெற்ற மண்டல டேபிள் டென்னிஸ் போட்டியில் குத்துக்கல் வலசை ஆக்ஸ்போர்டு பப்ளிக் பள்ளி மாணவர்கள் தங்கம் மற்றும் வெள்ளி பதக்கங்களை வென்றனர்.

தென்காசி கணக்கப்பிள்ளை வலசை வேல்ஸ் வித்யாலயா பள்ளியில் எம் எஸ் எஸ் சி மண்டல டேபிள் டென்னிஸ் போட்டி நடைபெற்றது . போட்டியில் பல்வேறு பள்ளிகளைச் சேர்ந்த மாணவர்கள் கலந்து கொண்டனர். இதில் குத்துக்கல்வலசை ஆக்ஸ்போர்டு பப்ளிக் பள்ளி மாணவ மாணவிகள் கலந்து கொண்டனர்.

ஒற்றையர் பிரிவில் இப்பள்ளி மாணவர் சகரியா, மாணவி பிரபாஸ்ரீ ஆகியோர் முதலிடம் பெற்று
தங்கப்பதக்கம் வென்றனர். மாணவர்கள் சர்வேஸ்வர் மணிவண்ணன், ஐசக் டேனியல் ஆகிய இருவரும் இரண்டாம் இடம் பெற்று வெள்ளிப்பதக்கம் வென்றனர்.

இரட்டையர் பிரிவில் இப்பள்ளி மாணவர்கள் மாதுரி, ஜோதி பிரியா, முகம்மது இஸ்மாயில், ஐசக் டேனியல், ஆகாஷ், சமிக்தா, சஞ்சனா தேவி, சகரியா ஆகியோர் முதலிடம் பெற்று தங்கப்பதக்கமும், பாத்திமா ரஹ்னா, கேரீஷா, சர்வேஸ்வர் மணிவண்ணன், விக்காஷ் தேவ் ஆகியோர் இரண்டாம் இடம் பெற்று வெள்ளிப் பதக்கமும் வென்றனர்.

சாதனை படைத்த மாணவ மாணவிகளை ஆக்ஸ்போர்டு கல்வி குழும சட்ட ஆலோசகரும் உச்ச நீதிமன்ற வழக்கறிஞருமான கே. திருமலை, பள்ளி தாளாளர் அன்பரசி திருமலை, பள்ளி ஆலோசகரும் உச்ச நீதிமன்ற வழக்கறிஞருமான தி. மிராக்ளின் பால் சுசி , பள்ளி சீனியர் முதல்வர் ஜெயஜோதி பிளாரன்ஸ், முதல்வர் சௌமியா மற்றும் ஆசிரிய, ஆசிரியைகள் பாராட்டினர்.

By admin

Leave a Reply

Your email address will not be published. Required fields are marked *